36歲陳自瑤（YoYo）同34歲老公王浩信近日再次傳出婚變消息，有報道指兩人已經分居。前日YoYo冇戴婚戒出席活動，澄清冇向王浩信提出離婚亦冇趕對方出 ...
36歲陳自瑤（YoYo）同34歲老公王浩信近日再次傳出婚變消息，有報道指兩人已經分居。前日YoYo冇戴婚戒出席活動，澄清冇向王浩信提出離婚亦冇趕對方出家門，佢又話向來都好少喺Ig貼一家三口相或者夫妻照放閃，但唔代表關係差。
休息咗一日，YoYo噚日又再貼相上Ig，同過往一樣，都係單人照，佢留言話：「Holiday mood……Have a nice Sunday！」呢張相佢戴住草帽着黃色露背連身裙，睇唔到佢前日喺活動上話自己有嘅肚腩仔。
網民一窩蜂咁替佢打氣，姚子羚亦有留言讚Petty，而係6千個like入面，亦都見到老公王浩信，不過佢就冇留言。
