黑之嘛，有咩好自卑！
《2018香港小姐競選》候選佳麗「人魚崔碧珈」何泳芍（Honey），憑豐滿身材率先跑出。自小愛上水上活動的她，現時任職潛水教練兼擔任模特兒，社交網拍下不少海底硬照和片段，曬得一身健康膚色的她雖令人羨慕，惟她在社交網發長文坦言不少人對膚色黑有所誤解，更表示曾因膚色「與別不同」而感到自卑，幸好後來學懂欣賞自己這個的獨特之處，她續言參選港姐後可能會面對有關膚色的評論和挑戰，但仍鼓起勇氣：「我希望今次參選可以改變到一些人對黑皮膚嘅想法，希望有年紀輕嘅女孩睇到我之後，唔會再驚因爲曬黑咗而畀人笑。」更強調「黑不是罪」，希望所有女孩都記住不要因為別人的評價，而放棄自己鍾意做的事，「自信和快樂的你才是最美的你。」
此文一出引起網上熱話，東網聯絡上多年來以健康膚色示人的藝人鄭融、鄧穎芝和鍾舒漫，她們同樣出言力撐。
鍾舒漫對於Honey曾因膚色而感到自卑，她鼓勵對方說：「每個人經歷唔同，唔知佢係咪聽過唔好說話，但做人要識得欣賞自己，明白呢個係個人嘅獨特。如果要討好人、滿足他人而活，會好大壓力。」她又指自己喜歡黑肌膚：「我細過都有畀朋友、同學取笑，我冇唔開心，入行後又唔會因為咁而影響工作。」
鄭融直言膚色較黑可能在工作上遭到質疑：「始終香港人都鍾意皮膚白嘅人，健康膚色嘅人拍護膚品牌廣告可能會有挑戰。不過，前港姐冠軍朱玲玲都係古銅、健康膚色。其實做運動其實會容易曬到較黑，但最重要識欣賞自己，認識自己、接受自己、搵到自己長處，每個人有佢獨等之處，小小挑戰都係一個學習好機會。」
鄧穎芝亦分享曾因膚色受困擾的經歷：「初入行時公司有叫我唔好再曬黑，因為要麻煩工作人員打燈。但我喺工作方面冇受影響，反而膚色黑望落健康、有活力，接多咗健康產品嘅廣告。」
來源 source: http://hk.on.cc
|
鍾意就快D Share啦！
|
|
|