許珮榆喺社交網發文反擊大劉，仲指畀人鬧「整容怪物」係人身攻擊。
𡃁模許珮榆（Diva）日前喺希慎商場逛街，因為行經扶手電梯時被劉鑾雄（大劉）大聲呼喝，話驚Diva撞親佢個仔，因為咁二人發生罵戰十分鐘。事件曝光後，今日Diva有感而發喺網上發文，話睇到啲網民留言令佢好心酸，佢話：「網民的評論真令人心酸，原來有錢真的可以係大晒，原來有錢講乜都是對的哈哈。」
Diva再三澄清：「我冇撞到大劉個仔但都要比（畀）佢鬧，我好聲好氣話我會小心睇路係我唔岩（啱），我比（畀）人爆粗鬧都係我不對？我比（畀）人鬧整容怪物係人身攻擊，甚麼是怪物？起碼我13歲同依家27歲差14年都認出是我呀，但是關話我『怪物』甚麼事？這又是出於對自己的父愛所以鬧我呢啲去攻擊我保護個仔嗎？大劉先生，我許珮榆自問冇鬧過你一句，你自己諗反（番）我有沒有回答你我會睇路呀，你一路鬧我都我好聲好氣同你理論，你惡到想食左（咗）我，but you win！你有錢！係岩（啱）的！」
來源 source: http://hk.on.cc
|
鍾意就快D Share啦！
|
|
|