大熱天時戴口罩都咪話唔熱！
台灣「電音天后」謝金燕平時演出形象百變，但私下卻經常「罩」不離口，令一眾Fans都大叫不解！為解開疑團，謝金燕決定親自解畫，原來被隱藏嘅主因係同1991年發生嘅一場嚴重大車禍有莫大關係，當時佢多處骨頭斷裂、骨盆碎裂、臉部受傷，於加護病房昏迷3日3夜，奇迹甦醒之後，仲要坐足1年輪椅、用咗3年拐杖，全靠意志重新再跳舞。
她先自我安慰，表示︰「出門戴口罩，時尚又防曬…但夏天得慎選材質別把皮膚悶壞…」接着講到自己無論坐飛機、行街、睇戲、開會、彩排，都會戴上口罩，仲笑言自己不但引領口罩時尚，口罩亦都可以防曬、防止人群恐懼：「還可防車禍傷疤被看見…」續指唔想因為要遮住疤痕而成日都要化大濃妝先出門，又自爆媽媽成日都會因此而偷偷難過。不過最後佢貫徹一向嘅正面思想，樂觀指：「媽媽放心！我要用勇氣來給更多人鼓勵，沒有脆弱的權利，姐姐我絕對有把口罩戴出潮到爆炸的能量…」隨即吸引一眾網民留言表示支持。
來源 source: http://hk.on.cc
|
鍾意就快D Share啦！
|
|
|