真係玩姊弟戀？
藝人胡定欣於2016年與音樂人陳明道分手後，感情一直未有着落，直至最近佢自爆有追求者出現，仲話完成手上工作後同對方深入了解。東網收到讀者爆料，指胡定欣與啱啱甩拖嘅張振朗疑暗撻，發展差唔多相差6年嘅姊弟戀。有指兩人早前合作新劇《包青天再起風雲》，喺內地拍攝兩個多月擦出愛花火，返港後不時見面，早前仲雙雙到場支持單立文（豹哥）嘅演唱會，而張振朗更被發現曾單拖睇胡定欣有份主演嘅舞台劇《偶然．徐志摩》。
隨後記者聯絡到胡定欣及張振朗，兩人齊聲否認戀情，胡定欣表示：「吓？（傳我哋拍拖）咁搞笑咁有趣，佢係好男仔嚟嘅。（張振朗追過你？）冇呀，真係冇！（拖正印男友出嚟澄清？）有時間同人了解先得，之後要同馬浚偉去加拿大登台。」
講到胡定欣疑向早前生日嘅張振朗送蛋糕製造驚喜，張振朗澄清謂：「我覺得好好笑，個蛋糕係屋企人送，唔係定欣送嘅，同埋我係同謝東閔一齊睇豹哥個騷。（接唔接受姊弟戀？）我以事業為重。」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|