陳家樂今日喺灣仔出席電影《廉政風雲煙幕》煞科宴，佢話自己跟住劉青雲做得力助手，佢等咗合作機會好耐，青雲外表好cool，湯怡話：「有次試過單對單同青雲演戲，一開口我呆咗，roll機就口窒，氣場太勁。」家樂就話：「同青雲學到樣嘢，佢喺現場唔會玩電話，又唔會坐喺導演側邊，會自己坐喺角落頭望人哋做咩攞靈感，我都要學習唔玩電話，學抽離。」
對於前度女友余香凝喺網上貼文話被網絡欺凌（新聞連結： https://bit.ly/2LJK0ih ），陳家樂話：「網絡欺凌本身係唔應該，但我唔可以做到太多嘢，亦都冇能力，只可以鼓勵佢。」
同場嘅吳浩康，表哥正值壯年，早前不幸中風逝世。(新聞連結： https://bit.ly/2uNPh1O ）因兩人感情要好，所以稱呼對方為「哥哥」。今日吳浩康受訪時，神情凝重。他謂現時心情時好時壞，寄情工作，最擔心是「哥哥」的五名子女。
「哥哥」今日設靈，吳浩康謂，「哥哥」的子女年紀尚小，只有三四歲：「我覺得喺哥哥離開之後，可以做到嘅嘢就係，陪住佢啲細路仔成長，希望可以彌補到少少哥哥唔喺度……」又稱：「不幸中比較好少少嘅係，哥哥生前係一個有計劃嘅人，佢一早喺保險上為仔女做咗啲功夫，喺經濟上不至於太過擔心。」他稱好多朋友致電慰問，但他都未有回覆，教特別在此致歉。
精選娛聞，喺晒《娛果》
http://fb.com/appledailyent
來源 source: http://hk.entertainment.appledaily.com
|
鍾意就快D Share啦！
|
|
|