ViuTV前晚就直播世界盃決賽，法國對克羅地亞嘅終極一戰，最後法國相隔廿年再奪世盃，好多法國球迷都好開心。
之前講明睇好法國嘅阿倫(譚詠麟)，見到愛隊捧走世界盃，當然開心啦，佢仲要有份為ViuTV嘅直播親身去到俄羅斯講波添，但係佢嘅評述就真係好壞參半喇！
今年世界盃，明明唔係無綫得到播映權，但大家依然會見到「獎門人」曾志偉同校長阿倫，只欠「荷蘭叻」陳百祥，就集齊福祿壽，到時就真係要「Super」喇，但今次阿叻就未有出現，變咗阿倫去講波，佢嘅拍檔就係曾偉忠同強尼，阿倫講波都引起好多網民嘅不滿，有網民就喺fb專頁「辣椒文集」開po，叫大家齊齊留言，講下阿倫噚晚講波時講咗幾多廢話。
以下係結集咗阿倫講波時嘅廢話：
1.球員打呢啲大賽真係要好冷靜
2.(球證睇完var判12碼)有膽色吓!真係要好夠膽呀！
3.(3:1個陣)雖然克羅地亞打開逆境波，但都無理由咁逆境
4.敵進我退敵退我進
5.時間一分一秒咁樣過去
6.你一拉佢咪跌囉，哎呀其實無野(嘢)喎佢唔跌
7.我一早就貼畀比利時同法國一定係冠軍
最後個po就問大家仲有冇補充，網民當然一呼百應啦，之後嘅補充句括
「佢後尾補返其實我都明得一隊可以拎冠軍」
「羅禮士都係搞下氣氛姐」
「(準備射12碼時)其實已經諗好射咩方向，不過拖漫啲等你亂呀吓。」
雖然有好多負評，但都有網民留言叫大家體諒下阿倫，話相信佢都係搞吓氣氛啫！
|
鍾意就快D Share啦！
|
|
|