掃呢頁CODE去手機

2018年8月31日 星期五

【新娘細7歲】單身7年突然「再婚」 林敏驄:睇吓條女咩料先! __,林敏驄,

 阿驄聽到自己「再婚」,都哈哈大笑。 (資料圖片)
阿驄同陳伶俐離婚後,曾有一位俄羅斯籍女友。(資料圖片)59歲嘅林敏驄(Andrew),自08年同結婚十年嘅陳伶俐離婚後,身邊曾有俄羅斯籍女友Natas ...


 阿驄同陳伶俐離婚後,曾有一位俄羅斯籍女友。(資料圖片) 阿驄同陳伶俐離婚後,曾有一位俄羅斯籍女友。(資料圖片)

59歲嘅林敏驄(Andrew),自08年同結婚十年嘅陳伶俐離婚後,身邊曾有俄羅斯籍女友Natasha曇花一現,但林敏驄至今仍然係單身,早前更開設工作室,似乎將所有時間都投資在工作上。



不過,今日忽然傳來佢再婚「喜訊」,但最終確認此「驄」不同此「聰」,林敏驄本人驚聞自己再婚,仲搞笑咁話:「俾我睇吓條女咩料先」



係咁嘅,有位「林敏聰」先生入紙申請註冊結婚,其英文名字與林敏驄一樣都係Andrew,準新郎年紀比林敏驄大一歲,生日日期亦有出入,但兩位林先生都係曾經離婚,加上身份證出生日同真正出生日期唔同嘅人大有人在,於是《蘋果》都有聯絡林敏驄求證啦。



問是否要恭喜他再婚?林敏驄最初表現愕然,問係咪惡作劇,然後就哈哈大笑話:「唔係啩,咁啱?我個驄係『馬』字邊㗎喎!最緊要條女係咩料先!」當記者告知林敏驄新娘比佢細7年,佢就好抵死咁話:「吓,咁叫佢返去等通知先」





精選娛聞,喺晒《娛果》

http://fb.com/appledailyent




鍾意就快D Share啦!