作為媽咪，林嘉欣更渴望為社會出一分力，今年第四年和麥當勞合作推出慈善繪本，傳遞護苗基金訊息，「我亦有畀自己幾個限制，第一，我唔可以講『性侵害』呢三個字；第二，我唔可以標籤啲壞人；第三，我真係希望救得一個就一個。」
再拍戲壓力大
林嘉欣在新片和兩位未合作過的影帝劉青雲、劉德華鬥戲，各有各難處。她在《廉政風雲煙幕》中飾演談判專家，「角色好硬淨，係未去到嗰個位就要諗定下一步，我個人冇咁複雜，好單一線，所以今次做ICAC呢個角色都幾難。另一樣難，係我好耐冇喺電影現場，所以由頭到尾都好緊張，壓力好大。」
在《掃毒2天地對決》中，林嘉欣扮演劉德華的太太，「同華仔第一次合作，好得意，可能大家好似好陌生，反而好放膽去做、好投入，我都好開心，投入就變咗佢好信任你，你又好信任佢，個火花好好。」
更多精采時尚內容，盡在 http://add.appledaily.com 。
|
鍾意就快D Share啦！
|
|
|
