掃呢頁CODE去手機

2018年8月31日 星期五

梁芷珊自封Hea媽 解構狀元囡囡是如何煉成 __,梁芷珊,

自稱是hea媽的梁芷珊非常疼愛Eily,希望她可以快樂成長。互聯網圖片
自稱是hea媽的梁芷珊非常疼愛Eily,希望她可以快樂成長。互聯網圖片梁芷珊與前夫羅傑承育有獨女羅樂桐(Eily),昨日是Eily的16歲生日。生日未 ...


梁芷珊與前夫羅傑承育有獨女羅樂桐(Eily),昨日是Eily的16歲生日。生日未正式慶祝,Eily就為媽媽送上驚喜報答養育之恩,就是Eily在GCSE/IGCSE考獲11A的佳績。愛女獲得佳績,芷珊接受《蘋果》訪問時強調自己絕非虎媽:「嗰啲贏在起跑線嘅說話,我從來唔認同亦唔入腦,我成日同朋友講要做hea媽。」

探訪:皓騫

著名才女梁芷珊早前在社交網報喜,祝賀女兒考GCSE/IGCSE(International General Certificate of Secondary Education)獲得11A,包括1A**、9A*及1A的好成績時,芷珊留言說:「嗰一刻我感覺好安慰,因為最少我唔需要安慰佢。」昨日《蘋果》致電訪問芷珊,她自言Eily有好成績,絕非因為她是怪獸家長。芷珊說:「嗰啲贏在起跑線嘅說話,我從來唔認同亦唔入腦,我成日同朋友講要做hea媽。因為我媽咪夠hea,佢冇栽培過我,佢只係畀好嘅環境我同細佬健康成長,童年好開心,所以希望我個女都係咁。」



Eily早前與媽咪梁芷珊及青梅竹馬的好友,一同慶祝在公開試獲得好成績。互聯網圖片 Eily早前與媽咪梁芷珊及青梅竹馬的好友,一同慶祝在公開試獲得好成績。互聯網圖片
梁芷珊讓女兒自己成長,而她的前夫羅傑承就在背後默默支持女兒。資料圖片

梁芷珊讓女兒自己成長,而她的前夫羅傑承就在背後默默支持女兒。資料圖片
梁芷珊在年初與法國米芝蓮三星廚師Olivier Elzer撻着。互聯網圖片

梁芷珊在年初與法國米芝蓮三星廚師Olivier Elzer撻着。互聯網圖片

讓囡囡開心成長

芷珊寧做hea媽,皆因她希望女兒跟自己一樣,有一個快樂童年:「Eily國語發音似『愛你』,呢個女我好愛佢,亦都希望好多人愛佢,中文名叫樂桐,因為想佢有一個快樂童年。我諗番自己嘅童年幾快樂,雖然只係小康之家,爸爸係公務員,有兩個細佬,媽咪絕對冇逼過我,更加冇補習,𠵱家咪又好人好姐。」



梁芷珊自言不是怪獸家長,從未逼囡囡讀書,反而令她考取佳績。資料圖片

梁芷珊自言不是怪獸家長,從未逼囡囡讀書,反而令她考取佳績。資料圖片

語言基礎最重要

多年來身體力行地hea的芷珊,平日Eily放學回家就聽歌睇戲,她絕不干預:「我冇幫個女報幾間幼稚園、上下午班都讀齊,只係報間一條龍學校,因為IB課程唔使點考試,記得佢四年班先第一次考試,冇得考試就冇得逼,佢喺學校已經做完功課,返嚟就玩,佢好細個開始只係睇英文嘅戲。」

那麼11A女兒是如何煉成的?芷珊女兒原來從小到大只有一個補習先生,負責跟她講英文及普通話,女兒成績好,芷珊亦歸功於語言基礎打得好:「其實我同羅生(前夫羅傑承)都係冇逼個女,我哋一直覺得最重要語言好。曾經喺佢去英國讀書前,叫佢上堂學creating writing,呢個係個女唯一一次上補習班,上咗六堂。佢一向作文成績都好好,其中一科A**係宗教,另外9科A*包括英文、法文,我都好安慰。所以嗰日我同羅生講笑今次係不勞而獲,呢個係我教女形式,好細個當佢係朋友,爸爸就默默支持佢。」

就算兩年前送女兒到英國讀書,芷珊表示亦只是見步行步:「我冇早幾年籌備報定名或睇學校,只係過去搵一間agent,之後agent提議佢可以報邊間學校,我同佢報咗三間,攞成績過去三間都有offer,結果我哋只去咗一間面試。」至於agent的費用,芷珊直言是零:「其實成個過程到我個女入學,agent係冇收過一毫子,我相信agent同啲學校過濾揀學生,相信收費由學校嗰度嚟。」



出書講狀元成長

對於現在香港的教育風氣,芷珊十分感慨:「呢九年睇住教育制度、學校風氣、家長風氣,令到小朋友真係好辛苦,一間學校100個位,有三、四千人面試,真係好瘋狂。點解有咁多人報名,因為大家都報十間學校,呢樣係冇辦法理解!我將會出一系列書,想搵讀書成績好嘅狀元講成長,全部爸媽都唔應該係怪獸家長,想帶呢個意思出嚟。」

芷珊敢對女兒的學業無為而治,但她准許16歲的Eily在讀書時期拍拖嗎?芷珊答得很爽快:「畀,只要佢鍾意。」原來Eily有個青梅竹馬的男性朋友,在IB考獲滿分45分,剛成為港大醫科生,日前更與芷珊及Eily慶祝考獲佳績。該男生的母親是芷珊的中學同班同學,他是否囡囡的男友?芷珊笑說:「我諗佢哋唔會啩,呢個好叻仔,6呎幾高又打籃球,喺學校好受歡迎,我覺得佢哋唔會囉,我個女未有男友。」




鍾意就快D Share啦!