許靖韻去年以網絡歌手「小背心」身份揚名，其實她是2010年英皇新秀歌唱大賽三甲，已經推出過三張唱片。25歲的許靖韻受惠於網絡而為人認識，但樂壇亦因為網絡而沒人買唱片。她日前接受《蘋果》專訪時樂觀地說：「𠵱家搵錢方向唔同，以前靠賣專輯去搵錢，𠵱家多咗網絡世界搵錢，又有唔同活動去搵錢。」
| | |
怕放棄會後悔
屈指一算，許靖韻入行已八年，但她直認經濟情況麻麻，她說：「其實一路都唔OK，我希望今年可以好啲。」許靖韻參賽後考入香港浸會大學財務系，讀大學時推出第二張專輯，但反應欠佳，之後有一年完全沒有幕前工作。
許靖韻回憶：「嗰年自己覺得最難捱，當年仲有一年就大學畢業，媽咪有問我畢咗業後係咪會做番finance啲嘢。我有諗退出，因為覺得冇機會，自己嘅歌冇人聽，我唱過嘅作品好唔啱我，但我又諗如果揀咗做金融，十年後我會後悔，會問自己當時有機會點解唔去試？」
許靖韻最後選擇追夢，為了生活，她藉着歌手身份做賣點去教琴，亦有其他兼職，可惜仍是入不敷支，最後她問英皇借錢，她說：「前後加埋都借咗有六位數字，之後做嘢，慢慢都還番晒。」音樂上，她付出更多努力求變，終於成功打動公司，她說：「嗰年我搵咗好多唔同音樂人同我寫歌，自己又寫咗好多歌，跟住我同公司講，我真係好有心，好想繼續做音樂，公司就喺我畢業嗰年決定再畀我出碟。」
「等緊一隻hit歌」
許靖韻是英皇的「資深新人」，她以大師姐容祖兒為目標：「有佢成績一半都好，𠵱家我仲係2字頭，希望3字頭前可以有少少成績。2字頭仲有青春，仲有時間追求自己夢想，我等緊一隻hit歌。」
開騷現真身
許靖韻除了是英皇歌手，還有另一個身份「小背心」。去年5月起，小背心在網上翻唱謝安琪、陳奕迅等紅星的金曲，不過這些唱歌視頻從來不見她的樣貌，只知她每次均會穿上不同的小背心，歌藝令網民驚為天人，第一首歌《長相廝守》已有27萬點擊率。去年11月，小背心在九展開騷兼現真身。
問許靖韻會否介意樂迷仍然稱呼她為小背心？她說：「多人識小背心，證明佢係非常有heart嘅歌手，有時叫花名仲親切。」訪問當日，她仍身穿白色背心裙，自言對小背心情有獨鍾：「我屋企有大量小背心，我怕熱，夏天會勁買，起碼有過百件，我冇乜嘢可以露，咪露吓手臂。」
採訪：陳杰
髮型：Veron of Hair Corner
化妝：Khaki Yan
服裝提供：Talulah
場地提供：海利公館
|
鍾意就快D Share啦！
|
|
|
