郭秀雲暗指卓林濫藥，更斥責對方對生活毫無計劃。
藝人吳綺莉的女兒吳卓林早前被揭流落加拿大街頭，她更與女友Andi拍片求助，已流落加拿大250日的她，被當地網民拍得在多倫多購物中心外，拖着一個篋，疑拾荒為生。吳綺莉的好友郭秀雲透過電話回覆東網，表示不能肯定相中人是卓林，嘆指：「邊可能有阿媽唔錫自己個女，怪就怪阿媽以前太縱個女，真係見到都肉赤，佢依家反叛到咁，但唔係跌到咁，佢唔會珍惜以前有嘅嘢！」
遭女友利用
她直言覺得卓林對生活亳無計劃，指卓林處於超級反叛期，更暗指卓林有濫藥的習慣：「唔知佢食咗啲咩藥物，影響到佢咁，擔心係唔知卓林幾時先醒，啲藥食得多對身體唔好，佢新聞價值愈低愈好，嗰位老師同佢阿媽係想借卓林唔知做啲咩，之前話想出書，一講就畀人鬧喇。嗰位老師好鍾意喺網上搞啲Noise，以為啲Like可以變成錢，但係唔成功！」她又拍吳綺莉情緒OK，但無奈表示現階段甚麼都做不到。
目的為要錢
其後她又指卓林的目的是為了錢，早前她已爆料指卓林女友Andi與Andi的母親曾向吳綺莉要錢，更是「萬萬聲咁要」，她直言要求不合理：「冇人阻止佢想要愛情，但貢獻唔到社會都算，至少要照顧自己！」
母女冇聯絡
被問到可知道卓林與吳綺莉有否聯絡？她表示：「以我所知就冇，知佢曾經搵過吳綺莉啲朋友求助，卓林好耐之前喺Facebook同我溝通過，嗰位老師都有text過我，我冇理佢，後來佢就text嚟鬧我，我都冇睬佢，好多個月前喇。我知卓林唔會搵我，佢唔同嗰位老師一齊先有機會搵我。」
睇情況幫忙
至於與卓林份屬好友、郭秀雲的仔仔龐景峰則表示不知道卓林是否在加拿大拾荒為生，他說：「我真係咩都唔知，我同佢半年冇聯絡。（係真會唔會幫佢？）睇情況。（主動搵佢？）睇情況！」
來源 source: http://hk.on.cc
|
鍾意就快D Share啦！
|
|
|
