亞視藝人秦芷瑤（Rose）近日為人熟識，係以「百萬富翁女」身份同陳志雲主持節目《百萬富翁》，對於公司傳地震，佢日前接受訪問時話係謠傳，公司已安排佢參與劇集演出。Rose話：「入行六年，之前拍電視、電影多，公司話會安排我拍劇，好想挑戰喜劇，曾經做過反派，正派都有，喜劇就冇。」佢自信搞笑功力夠，希望可以做到觀眾見到自己就開心。Rose擁34B、24、35身材，勝在平均，以纖巧取勝。雖然皮膚白晳，估唔到佢鍾意游水，仲不時到志願機構教輕度弱智小朋友游水。
唔簽無綫
同Rose稱得上亞視御用女郎嘅丘雅雯（Peggy）前年晉身香港小姐二十名，之後以模特兒身份外闖，近日成為「百萬富翁女郎」喺亞視亮相。講到放棄簽約無綫，佢話：「佢哋有循例同我傾，但後來發覺想做番model多啲。」佢𠵱家發展不俗，包辦咗亞視唔少主持做。
身材高䠷嘅Peggy擁有32B、24、34身材，擁長腿同健康膚色，全拜游水加上自小學打到大學嘅排球所賜。佢近年轉戰瑜伽，喺沙灘上表現自然：「見到水同陽光就好興奮，對比堅尼有情意結，屋企保守估計都有三十套比堅尼。」
|
鍾意就快D Share啦！
|
|
|
