車路士嘅巴西球星韋利安，近期盛傳可能轉會曼聯、巴塞隆拿或者皇家馬德里，不過呢啲傳聞好可能變成鬧劇！事關有人懷疑假扮韋利安嘅經理人，仲冒充佢簽名，拎住張「A貨」委任信四出向歐洲豪門兜售，韋利安表明完全唔識信入面自稱經理人嘅丹尼笠臣。唔少球會都中招，「紅魔鬼」隨時都係受害者之一！
啱啱處理完護照問題嘅韋利安，已經返去車路士跟操，佢隨即喺社交網踢爆有人借佢個名招搖撞騙：「呢幾日我聽到有人拎住張FIFA經理人委任信，上面有冒充我嘅簽名，喺轉會市場四出行動。我要澄清我從未簽過呢封信，亦否認信入面所有內容，考慮到有人冒簽、或者用我個名做不當行為，我已經叫律師採取法律行動。」喺眾多傳會傳早當中，同韋利安拉得最近嘅就係曼聯，唔知「紅魔鬼」有冇搵錯人傾呢？
東網體育FB同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
