充滿神秘感的九龍城寨不時成為海外遊戲的題材，日本亦推出過不少以此為題材的遊戲。四個九十後碩士生，今年亦以八十年代九龍城寨為背景，創作本土味濃厚的3D探險遊戲《籠》，描寫這個傳奇之地。
遊戲設計師陳寶琪（Poki）說，自小就喜歡遊戲，「最鍾意玩嘅遊戲係《大富翁》，一、二 、四、八我都有玩過，亦有玩一啲海外嘅遊戲。牛蛙工作室出嘅《杏林也瘋狂》、《上帝也瘋狂》，一啲策略嘅遊戲都有。」負責圖像設計的麥斯堯（Yo）亦指遊戲很重要：「由細到大我嘅回憶就係同家姐玩《The Sims》，或者同爸爸玩賽車遊戲，呢個係我嘅童年回憶，我相信對於我哋每一個嚟講，遊戲都佔咗我哋人生好大部份。」
Poki說，曾看過一條關於遊戲設計師的短片，覺得遊戲設計師很厲害，希望將來可以加入遊戲界發展，「佢哋鍾意將怪物變做橙色就變做橙色，好犀利，想將世界變成點都得。呢啲遊戲都成為我而家做遊戲設計師嘅契機。」
團隊四人現時正在香港理工大學就讀設計學院碩士課程，Poki在班上找了其餘三位同學，合作製作遊戲，遊戲本來亦是他們的畢業作品。學校課程教授概念性的東西，至於技術，就要靠上網自學得來，「就算係建模，我哋都係上YouTube，睇佢教點整一隻杯。整一隻杯嘅原理，我哋可以應用到直至我哋建咗整個人、整個景出嚟，邊學邊試。」
撰文：鄭靖而
攝影：王晴
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
