網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年9月29日 星期六

【仲要接工人姐姐】Leanne單拖抱女出院 大爆:陳柏宇好恐怖! __,陳柏宇,

攝影:仇志德
陳柏宇(Jason)太太符曉薇(Leanne)日前誕下愛女Abigail,新手爸爸對女兒愛不釋手,係咁瘋狂影相。今日Leanne終於出院,不過Jaso ...


陳柏宇(Jason)太太符曉薇(Leanne)日前誕下愛女Abigail,新手爸爸對女兒愛不釋手,係咁瘋狂影相。



今日Leanne終於出院,不過Jason要到中山舉行演唱會,未能盡人夫責任接太太返家,要由Leanne朋友代勞。



下午四點,Leanne獨自抱住Abigail,在養和醫院樓下見傳媒,素顏戴住黑超踢拖嘅佢精神奕奕,行動自如,多謝大家祝福。



新手媽話:「好辛苦,估唔到有種撕裂感覺,又冇覺好瞓,兩至三個鐘就會被拍醒,同埋BB唔讚得,最初都讚佢好乖冇扭計,第二日就扭抱,可能老公成日抱住抱慣咗。」



Jason本來噚晚要出發到中山,但因為想見多愛女一面,改為今早才出發。Leanne形容:「好恐怖,今日去中山,走咗幾個鐘就video call我,打嚟傾咗幾句,就問我個女喺邊,我話:『我都話你唔係打嚟搵我㗎』我唔會呷醋,佢咁錫個女都係好。以前我哋會為寵物爭寵,依家老公就話:『唔緊要啦,我有個女!』」



雖然今日出院搞到佢手忙腳亂,仲遇著工人姐姐到港要接機,只能交由朋友幫手,Leanne都好堅強話:「之前老公陪過夜,依家就由朋友陪,因為屋企都需要人照顧寵物。」Leanne又謂最初Abigail有少少黃,佢哋都好擔心,不過經醫生診斷後話BB健康,可以出院喇,大家先至放心晒。



出院返家後Leanne要真正落手落腳照顧BB,接受另一艱難新挑戰,但另一方面,今晚終於可以獨霸女兒:「喺醫院嗰陣,通常護士接手,即使我阿媽嚟到想抱B,Jason都抱住個BB,死都唔肯放手,係個好可怕嘅愛女狂。」



相關報道:

【呢個粉蛋老公真係…】太太穿羊水 陳柏宇扮瞓?「乜同拍戲咁大分別嘅?」

https://bit.ly/2NPQPE7



攝影:仇志德 Leanne今日抱愛女Abigail出院,不過Jason要到中山開工嚟唔到。 Leanne今日抱愛女Abigail出院,不過Jason要到中山開工嚟唔到。
 Jason出發無耐,就打video call俾佢,話要搵囡囡喎。

Jason出發無耐,就打video call俾佢,話要搵囡囡喎。
Jason抱得多,囡囡出世第二日就開始扭抱。

Jason抱得多,囡囡出世第二日就開始扭抱。
Abigail出世時有少少黃,經醫生診斷後話BB健康,Leanne話家人放心晒。

Abigail出世時有少少黃,經醫生診斷後話BB健康,Leanne話家人放心晒。
Jason真係好開心,已經用囡囡相洗咗版。(ig圖片)

Jason真係好開心,已經用囡囡相洗咗版。(ig圖片)

鍾意就快D Share啦!