掃呢頁CODE去手機

2018年10月31日 星期三

【罕見一家三口】14歲康堤熱褲晒長腿 陳奕迅:唔反對佢早戀,亦唔理男定女 (足本版) __,康堤,陳奕迅,

好少見到E神一家三口總動員出動,呢晚竟然喺淺水灣野生捕獲陳氏一家三口食dinner,好lucky。E神吸金能力高係人都知,齋唱巡迴個唱已經賺到笑,明明 ...




好少見到E神一家三口總動員出動,呢晚竟然喺淺水灣野生捕獲陳氏一家三口食dinner,好lucky。

E神吸金能力高係人都知,齋唱巡迴個唱已經賺到笑,明明有間貴價中餐私隱度極高嘅佢唔幫襯,一家三口反而去食枱貼枱嘅粥粉麵飯。

佢早排扁桃腺發炎入院吊咗幾日鹽水,呢晚又真係食得好清淡,冇大魚大肉,話晒個口潰瘍後仲有啲喉痛,所以E神都好乖,食晒成碗粥。

坐喺佢對面嘅徐濠縈同康堤,食住雞蛋仔聽佢講嘢,兩母女嘅食嘢動作好一致,好夾。

食完碗粥,陳氏一家三口繼續吹水,吹吹吓E神睇電話,又傳俾老婆睇,康堤又自己玩電話。

埋單走人,阿徐負責簽卡,行出門口時,E神好有禮貌同餐廳侍應say bye,康堤見到有人放狗,話隻狗好得意,一家三口停低睇狗。

14歲嘅康堤,上身著衛衣,下身著熱褲晒一對長腿,已經有媽咪咁高嘅佢,就快高過爸爸,行行吓會張開手,笑得好燦爛,少女味出晒嚟!

曾經講過康堤而家係叛逆期,唔會理佢嘅E神,見個女行多幾步,佢就雙手搭住康堤膊頭,驚死佢走咗去咁。

喺英國讀書大嘅E神,思想好開通,講明唔反對康堤早拍拖,亦都唔會管佢鍾意男仔定女仔,完全可以自由戀愛。

雖然唔多時間陪個女,但E神話佢同康堤嘅相處似朋友,會對佢進行青春期性教育,仲話做父母要知道點去引導,個女問佢,佢會先分享自己嘅經驗,佢仲話自己有時太肆無忌憚,阿徐會忍唔住出聲阻止佢講落去。

唔好以為E神一直都對個女咁好,其實當初佢做老豆時,一啲都唔合格,康堤就快出世,佢仲飛咗去第二度睇波,到佢出咗世,竟然覺得自己仲細,唔識點去對待佢。直到個女一日比一日大,到9歲嘅時候,佢先搵到做老豆嘅感覺,所以,E神話自己係個知後覺型、好遲鈍嘅老豆。

攝錄:陳亦龍、王志輝

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!