掃呢頁CODE去手機

2018年10月31日 星期三

網民熱話:三點畢露?何廣沛張彥博屈郭子豪找數 __,張彥博,郭子豪,何廣沛,

小豪小豪~找數找數~以救護員為主題的台慶劇《跳躍生命線》,一班大隻仔何廣沛、張彥博、郭子豪做唔單止演技出色,外形都同樣吸睛,難怪反應咁好,之前佢哋誇口 ...


小豪小豪~找數找數~


以救護員為主題的台慶劇《跳躍生命線》,一班大隻仔何廣沛、張彥博、郭子豪做唔單止演技出色,外形都同樣吸睛,難怪反應咁好,之前佢哋誇口話如果收視上升到30點就要露三點!

今次就要找數啦,不過,找數方法當然有保留,縮沙露少咗一點,何廣沛同張彥博雄夾計焗郭子豪然除衫晒肌,Man爆登場!

何廣沛、張彥博、郭子豪三人去咗沙灘找數,起初何廣沛扮傻問大家:「《跳躍生命線》收視好好,邊個講話收視過30點就露3點。」話口未完攞住手機自拍嘅張彥博已將鏡頭放咗喺郭子豪身上,仲停留影位佢下身位置,搞到郭子豪好唔自在話:「唔好pan呢度。」但都好爽快就除咗件衫,大晒佢47吋胸肌,仲擺出標準晒肌甫士,好有型,難怪張彥博話佢係御用模特兒。

之後佢哋三人又玩包剪揼,輸咗嗰個明顯要罰,何廣沛同張彥博就夾攻郭子豪,將水桶笠咗喺裸露上身嘅郭子豪頭上面,搞到郭子豪完全睇唔到嘢,之後何廣沛出口術同手勢叫張彥博一齊出剪,點知郭子豪真係出包,佢知道自己輸咗,即時話佢兩個夾埋。

網民看到三個小鮮肉個個都心心眼,仲留意!

KaXXX:郭子豪好大隻,身形好正!

ManXX:點解得一個除衫,何廣沛同張彥博無除!

JXXY:三個都好正!


來源 source: http://hk.on.cc
鍾意就快D Share啦!