掃呢頁CODE去手機

2018年10月31日 星期三

【陳家有女初長成】康堤細個包包面似Eason 大個高䠷修長fit過徐濠縈(足本版) __,康堤,徐濠縈,陳奕迅,Eason,

正所謂「女大十八變」,細細個有Babyfat嘅康堤,似足爸爸Eason。大大吓甩咗包包面之後就愈嚟愈似阿媽徐濠縈,唔單只外表,就連身形都似,手長腳長夠 ...




正所謂「女大十八變」,細細個有Baby fat嘅康堤,似足爸爸Eason。大大吓甩咗包包面之後就愈嚟愈似阿媽徐濠縈,唔單只外表,就連身形都似,手長腳長夠晒窈窕。

康堤細個嗰時肥嘟嘟咁幾得意架,有時跟住阿媽去探老竇班,一家三口企埋合照,明顯睇得出個女似老竇多啲,而當時康堤大約6歲左右,得父母心口咁高。

去到10歲青春期,康堤已經拉高咗唔少,去到阿媽下巴、老竇膊頭,但啲Baby fat未褪得晒,亦未換晒牙,係個崩牙妹。不過,呢個打扮少女嘅崩牙妹,行出嚟表現得好開朗自信,仲同阿媽襯好晒指甲油添。

有徐濠縈呢個走在潮流尖端嘅阿媽,康堤又點只指甲油吖,好快連pose都學到十足十喇。依家14歲嘅康堤唔似Eason,變咗似阿媽多啲,兩母女行孖咇就好似姊妹一樣,仲已經高過阿媽添。至於打扮方面,佢就最愛熱褲晒長腿。咁又係呀,青出於藍,身材比起做慣運動嘅阿徐更高佻修長,唔show吓quality點得呢,更難得嘅係父母唔保守唔介意吖嘛,連性教育同性取向都可以坦白分享順其自然,康堤就梗係可以做個輕鬆快活嘅少女啦,個人開心無壓力,睇落都靚啲啦,過多幾年隨時又美少女轉身變,會變成星二代女神添呀。

鍾意就快D Share啦!