掃呢頁CODE去手機

2018年10月31日 星期三

【不能接受被背叛】講到出軌忍唔住淚水 梁洛施:刺了我的心 __,梁洛施,

(微博截圖)
未婚生B嘅梁洛施,同小小超李澤楷分手,過咗幾年低調生活後高調復出,最近,佢就去咗大陸參加咗個由蔡康永、高曉松等主持嘅綜藝節目《奇葩說5》,而梁洛施參加 ...


未婚生B嘅梁洛施,同小小超李澤楷分手,過咗幾年低調生活後高調復出,最近,佢就去咗大陸參加咗個由蔡康永、高曉松等主持嘅綜藝節目《奇葩說5》,而梁洛施參加嘅呢集內容,更係講到有關婚姻上出軌行為,而當佢聽完大家嘅感受後,仲一度忍唔住落淚。



呢個大陸綜藝節目《奇葩說5》,其實係一個類似辯論形式嘅節目,而每次都有4組人去為已設定嘅題目辯論,而梁洛施呢一集,題目就係「伴侶在婚姻中開小差(偷食),我要不要容忍他?」對於呢個問題,本為係喺單身家庭長大(爸爸喺佢出生冇耐就過身)、同媽媽家姐相依為命嘅梁洛施,對於呢個題目諗都唔使諗就答:「唔容忍!」,非常決絕。



難得梁洛施上節目,一向鍾意問藝人較為深入問題嘅蔡康永,就問到佢覺得自己做媽媽嘅年紀,同想像中係早定係遲嘅時候,梁洛施就回答「早。」,再問佢若遇到最愛嘅男人,生多幾個B係咪都會覺得開心嘅時候,話自己「曾經選擇過、但唔會後悔」嘅梁洛施,就不斷點頭地答:「我係覺得值得嘅。」而且佢更表好明確咁表示:「我覺得當你愛一個人,你就盡情投入的去愛。」



冇錯,睇番梁洛施同李澤楷嘅一段愛情,當年仲係20歲嘅梁洛施,09年喺冇名份下為李澤楷生咗大仔李長治後,翌年再誕下一對孖仔,但可惜一年後(即2011年),梁洛施就公開發出聲名,表示已跟李澤楷分手,結束呢段維持3年嘅童話式愛情。



當節目中的辯論者,到節目嘅最後講到:「婚姻是兩個道德、性格、外貌、行為都有瑕疵的人的結合,我結過婚、也議離過婚,如果有機會,我有勇氣再結一次婚。」、「只能把自己當成是外人,才要事事都要容忍,我覺得愛情是什麼都要介意,但是,它還是愛情,還是美好的。」等呢啲個人對婚姻嘅睇法時,一直強忍眼淚嘅梁洛施,最後都忍唔住落淚,而事後佢喺接受節目訪問時,更直認大家講嘅「刺了我的心」,所以先忍唔住喊。



精選娛聞,喺晒《娛果》

http://fb.com/appledailyent



(微博截圖) 梁洛施表示辯論者唔說話刺中咗佢嘅心(微博截圖) 梁洛施表示辯論者唔說話刺中咗佢嘅心(微博截圖)
聽到大家嘅婚姻觀,梁洛施一直想忍住唔喊(微博截圖)

聽到大家嘅婚姻觀,梁洛施一直想忍住唔喊(微博截圖)
不過最後都係喊咗(微博截圖)

不過最後都係喊咗(微博截圖)
梁洛施表示,為愛嘅男人生多幾個B都係值得(微博截圖)

梁洛施表示,為愛嘅男人生多幾個B都係值得(微博截圖)
 (微博截圖)

(微博截圖)
梁洛施喺節目上,亦有分享自己嘅愛情觀(微博截圖)

梁洛施喺節目上,亦有分享自己嘅愛情觀(微博截圖)

鍾意就快D Share啦!