2018年10月30日 星期二

【邢家有女長成】盡得林青霞真傳 大女愛林22歲擁過億身家 __,林青霞,

 當年嘅小朋友現在已經婷婷玉立(資料圖片/網上圖片)
大美人林青霞同富豪老公邢李㷧不時傳出婚變,謎一樣嘅婚姻關係啟人疑竇,亦令外間對佢哋兩位千金愛林(Eileen)同言愛感好奇。今日有周刊就以青霞兩個女做 ...


大美人林青霞同富豪老公邢李㷧不時傳出婚變,謎一樣嘅婚姻關係啟人疑竇,亦令外間對佢哋兩位千金愛林(Eileen)同言愛感好奇。今日有周刊就以青霞兩個女做封面人物,講下佢哋近況。



大女愛林已經22歲,早喺前年年底,青霞趁Eileen 21歲生日,豪擲1.1億元,用女兒名義,買入中半山豪宅The Mayfair一個二千呎單位。據聯交所資料,去年愛林獲老竇邢李㷧轉贈2.118億股思捷股份,以今日每股約1.88元計,股份約值3.98億。雖然呢批股份要同同父異母嘅家姐嘉倩均分,但亦數目不菲。



不過喺The Savannah College of Art and Design畢業嘅Eileen,依然希望自力更生,喺一間專職網上廣告同市場推廣嘅MullenLowe Profero公司任職初級設計師,同時又自設網站接job,喺自我介紹就講到:「我是一名平面設計師,擁有室內設計,UX / UI和攝影方面的經驗。結合心理學和人類學的研究,希望藉此引入觀察者的思維,吸引他們的注意。同時通過基本的線條、幾何形狀和印刷,引導他們留下印象。」



至於青霞嘅細女言愛,雖然只係得17歲,仍然係求學階段,不過佢深得母親嘅遺傳,美貌身型得天獨厚,喺表演上更盡得真傳。就讀香港李寶椿聯合世界書院嘅言愛,係校內風頭躉,唔止幫校內刊物拍攝封面,之前仲喺校內晚會上台表演。着旗袍上台嘅言愛毫不怯場,舉手投足都散發星味,甚有當年媽咪拍《窗外》時嘅韻味。



精選娛聞,喺晒《娛果》:

http://fb.com/appledailyent



當年嘅小朋友現在已經婷婷玉立(資料圖片/網上圖片) 大女愛林 大女愛林
愛林坐擁過億身家,仍然熱衷工作。 (網上圖片)

愛林坐擁過億身家,仍然熱衷工作。 (網上圖片)
 青霞同大女愛林經常出雙入對行街。(資料圖片)

青霞同大女愛林經常出雙入對行街。(資料圖片)
 狄龍太太陶敏明係青霞濕平腳。(資料圖片)

狄龍太太陶敏明係青霞濕平腳。(資料圖片)
 邢家一家五口樂也融融,兩位小朋友已經長大成人。(資料圖片)

邢家一家五口樂也融融,兩位小朋友已經長大成人。(資料圖片)

鍾意就快D Share啦!
Related Posts Plugin for WordPress, Blogger...