陳瀅話去捐血！
無綫台慶劇《跳躍生命線》播出以來收視不錯，七天跨平台總收視為29.8點，第十集（19日）更達30.8點，無綫今晚於電視城舉行祝捷晚宴，除了主演的陳瀅、劉佩玥、馬德鐘、何廣沛等之外，高層杜之克及曾勵珍也有出席。
陳瀅對於作品收視好感高興，透露獲悉部份集數更接近31點收視，問到將如何慶祝？她謂：「觀眾鍾意睇男士多啲，聽聞郭子豪、何廣沛同張彥博為慶祝30點，去咗沙灘拍一段片好似係露三點。（你呢？）我好似冇試過有劇係30點收視，所以會做慈善活動，諗住叫演員一齊捐血，套劇講救護，去救護站宣傳都係一個好想法，有同監製推薦過。」更自言近4年來每年至少捐血兩次。
問到可有觀眾讚她演技有進步？陳瀅不諱言的確有人讚，還預告劇情將講述她與羅蘭的婆孫感人戲，相信是催淚點，更謂：「劇入面我有男人婆一面，又粗魯同撩鼻屎，以前畀人叫女神，其實我都可以有其他路線，同埋今次撩鼻屎係自己加入去，竟然冇剪走，都叫係我部份真性情。」
來源 source: http://hk.on.cc
|
鍾意就快D Share啦！
|
|
|