真係笑死！
藝人喬寶寶的大仔Inderpal與醫師太太Manjit今晚於九龍灣一間酒樓舉行婚宴，筵開40席，「老爺」喬寶寶不停忙於招呼賓客，更不時與賓客影合照。
兩公婆都香港出世
喬寶寶與大仔及新抱齊齊接受東網訪問，三人均穿着印度傳統服裝示人，喬寶寶與Inderpal上身以綠色為主，他笑言：「因為我哋環保團體！」然後Inderpal笑言：「多謝你囉！28年前咁環保，因為28年前你冇戴袋吖嘛！所以多謝你囉！」喬寶寶指印度傳統喜慶都以顏色豐富為主，而今晚婚宴儀式既有中式，又有印度風格。他謂：「其實新抱同個仔都係香港出世，佢哋喺英國讀大學時認識，但讀埋同一間小學，不過唔同班。」
畀足爸爸200分
Inderpal表示給太太100分，問給爸爸多少分時？他識做謂：「梗係200分」問到喬寶寶有甚麼夫妻相處之道傳給仔仔？他謂：「錫老婆囉！咁先會發達，最緊要互相禮讓，無分彼此，尊重是重要的，女人容易會呷醋，尤其印度人，比較傳統，我哋做娛樂圈少不免會有攬攬錫錫鏡頭，好在太太都明白，證明我都仲有market。」
爆女家好有錢
今次已是第四次擺婚宴，之前男女家各自擺了，之前又在英國擺酒，是次婚宴男女家各出一半錢，當晚更有放煙花！喬寶寶謂：「女家都好有錢，新抱係醫師嚟！」問到Inderpal今晚現場會否有表演時，他指是秘密。喬寶寶坦言好感動：「2013年太太到蘇格蘭，大仔做埋爸爸嘅責任，經常帶細佬睇醫生，完全冇怨言，拍拖都不忘照顧屋企、父母，佢好好，我好感動，依家我就等做爺爺。」而Inderpal之後會返蘇格蘭！
來源 source: http://hk.on.cc
|
鍾意就快D Share啦！
|
|
|
