楊千嬅與周柏豪昨日在尖沙嘴出席護膚品活動，為林恬兒創辦的環保機構籌得50萬元。對於內地廣電總局頒令，明星拍一季綜藝節目總酬金不可超過1,000萬人民幣，問千嬅會否收入變少？她說：「政策每個國家都唔一樣，冇得批評，呢個係每個地方嘅規矩，如果要請我嘅製作費係充裕，而對我前途係有幫助，唔只係睇酬勞，要平衡，工作對我有更多發展空間嘅，我都會接。」
千嬅亦指不擔心機會比之前少，她說：「從來機會都係留畀努力嘅人。自己應該收嘅會據理力爭，我有交稅嘅，我唔係好擔心。我有做嘢㗎嘛，付出多過收入，唔虛㗎。」而千嬅與柏豪合作的電視劇《多功能老婆》拍了共114天，前晚終於煞科，千嬅自言充實，演唱會後便放假幾天，到日本玩。
另外，林恬兒為了下一代，大力推動環保，她說：「由細到大都教佢哋環保習慣，兩個小朋友嘅衫都係循環再着，有啲仲係老公留番嘅。嚟緊萬聖節想搵番當年奶奶親手做嘅Halloween衫，可以同小朋友影番張相。」
採訪：羅慧敏
攝影：陳俊強
|
鍾意就快D Share啦！
|
|
|