港珠澳大橋上月24日通車，「A」線機場巴士路線亦因而有變動。
為配合大橋通車，目前有八條「A」線機場巴士，增加港珠澳大橋香港口岸站。機場員工張先生表示，現時車程較以往多了十多分鐘，「而家兜咗去港珠澳大橋，之後都係經原路出嚟，結果計咗數，好似同E車差唔多時間，但就畀多一倍車錢。」
運輸署日前表示，計劃於本月24日起，所有機場巴士「A」線往市區方向，將先經港珠澳大橋香港口岸站，再出市區，又指新路線會改行即將開通的屯門至赤鱲角南面連接路主線，較途經機場島現有道路的路程短約一公里。另外亦考慮日後將「A」線往機場方向同樣取道南面連接路，在大橋香港口岸先停站，再往機場。
在港珠澳大橋上班的阮先生表示，歡迎新路線安排，「而家先喺機場上客，再到港珠澳（大橋），再兜到機場迴旋處，再從頭出去，費時失事，如果你行南面的新路當然快好多。」
乘客李先生則擔心新安排會加長乘車時間：「我目的地係機場，就唔應該經港珠澳（大橋），我唔知道會唔會時間耐咗，如果耐咗就會覺得有啲嘥時間。」他又指平時機場巴士也有不少乘客，擔心會加重巴士負荷，「如果再經港珠澳（大橋），可能會更加冇位或者更迫，因為本身好多時都係冇位擺行李，或者架車上好迫，企都冇位企。」
屯門區議會交委會委員甄紹南質疑，行程短了未必等如車程時間縮短，「行程可能會比較短，不過佢多咗人工島上落客，多咗一個站就自然會多咗上落客嘅時間，變相整個車程都會耐咗。」
撰文：鄭靖而
攝影：李育明
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
