林建明（左）透露好友藍潔瑛有嚴重精神病。
曾向藝人藍潔瑛伸出援手的藝人兼「心晴行動」創辦人林建明，得悉好友離世後難掩傷心之情，她接受東網訪問時表示已很多年沒有見過對方，傷感地說：「呢幾日實在太多人走，我都反應唔切，生老病死係人生必經，每個人總會有任務，當佢任務已完成咗就要走，我仲有兩個任務未做，做完都走啦。佢唔係普通情緒病，係嚴重精神病，呢種精神狀態對佢嚟講好辛苦，今次走未必唔係好事，呢度任務完成咗，當佢去第二度做第二啲任務。」
問到藍潔瑛身邊是否只有一個家姐照顧？林建明說：「其實佢唔係大家想象中咁差，佢有屋企人，有好多兄弟姐妹照顧佢，經濟亦唔係咁差，只係佢有病，成日會以一種敵對嘅心態面對家人，只有一個家姐比較能埋到身。」而藍潔瑛早前發病入院時，林建明亦有到醫院探望。問到當時藍潔瑛有冇自殘？林建明説：「冇自殘，只係入院治療，如果佢乖乖食藥就冇嘢，當時見到佢被個病控制咗，冇咗自己，旁人見到覺得好陰功，可能佢自己都唔知，呢啲病家人、朋友只可以喺旁邊扶佢一把，真正幫到佢嘅只有自己，我哋朋友之間要做嘅嘢已經盡晒力。」
來源 source: http://hk.on.cc
|
鍾意就快D Share啦！
|
|
|
