張振朗「賣身」4劇孭飛
來年佔劇最多的男女演員分別是有四劇的張振朗及三套孭飛的高海寧，緊隨其後的是李佳芯、唐詩詠、黃智雯、譚俊彥、馬國明及黎諾懿各佔兩劇。問到劇接劇的張振朗是否「賣身」給公司？他承認去年加簽新約，並笑說自己拍唔停：「冇法啦，個個出晒去搵錢！」而身在台灣拍攝《殺手》外景的高海寧受訪時表示：「好多劇拍咗未出街，自己都好期待。（公司重用，好大壓力？）壓力一定有，但亦成為動力，辛苦得嚟自己覺得開心。」她坦言三套劇中，拍得最辛苦是《C9特工》﹕「我演嘅係師奶又係特工，當中有好多動作場面。」而現場亦播出她與馬國明於劇中的親吻片段。
至於視后田蕊妮今年「歸隱」未有拍劇，她直言近期轉戰樂壇，問到昨晚現身是否(R)撈？她笑說：「唔係，我月底都開劇喇！主持嘅節目《女人四十》都就出街。」巡禮中播出不少新劇的精華片段，其中《多功能老婆》中有新紮花旦朱晨麗與洪永城於車廂激咀，洪永城受訪時笑說：「係朱朱強吻我！唔係，講笑啫！係我主動！」
來源 source: http://orientaldaily.on.cc
|
鍾意就快D Share啦！
|
|
|
