掃呢頁CODE去手機

2018年11月3日 星期六

藍潔瑛離世:藍潔瑛曾想復出拍戲 楊曼莉搵人寫定劇本 __,楊曼莉,藍潔瑛密友,

楊曼莉表示藍潔瑛曾想復出拍戲。藍潔瑛密友楊曼莉(Mary)接受東網訪問時,對於好友傳來死訊,她傷心說:「好難過,我同佢好多回憶,我都係今朝朋友通知我先 ...


楊曼莉表示藍潔瑛曾想復出拍戲。


藍潔瑛密友楊曼莉(Mary)接受東網訪問時,對於好友傳來死訊,她傷心說:「好難過,我同佢好多回憶,我都係今朝朋友通知我先知佢走咗。(可會幫忙辦身後事?)都會,但係主力係佢家人搞,我知警方已聯絡到佢屋企人,但我唔方便講咁多。」

問可曾為藍潔瑛接工作?她表示一直都有不少幕後人找藍潔瑛拍戲:「藍潔瑛佢自己好想拍中國版《飛越瘋人院》,佢想畀人哋知佢冇精神病,佢話自己只係被害,我都有幫佢搵人寫劇本。喺去年都有個台灣導演透過我,搵過佢演媽媽嘅角色。」問她可知藍潔瑛的經濟狀況?她說:「我冇再資助佢,因為佢有好多fans幫佢,聽講話啲fans係直接過數落佢戶口,所以唔使擔心佢食飯嘅問題。」她又說一個月前曾跟藍潔瑛通電話:「佢病得好犀利,聲都變晒,不停咳,但思路冇問題,我估佢個肺唔好。(可有見面?)冇,我本來諗住去探佢,但佢唔畀,可能因為佢病,唔想見人啦。」

她又說和藍潔瑛年前常見面時,好友常到訪她家:「不過佢成日喺我屋企發呆,我仲介紹過《還珠格格》嘅導演孫樹培畀佢識,希望幫佢搵到工作,我最記得佢好慳,就算個行李篋壞咗,都唔會買新,只會拎去整。」Mary又在微博上載和藍潔瑛的合照,留言:「藍姐,懷念與您一起唱歌、吃飯、逛街的日子,祈願天國沒有欺凌。」


來源 source: http://hk.on.cc
鍾意就快D Share啦!