莊端兒第一次登台唱歌，唱得唔錯㗎，不過現場好多觀眾剩係眼鯨鯨，望住佢心口兩個肉蒲團。
同杜汶澤合作做節目，Double May女主播莊端兒人氣急升，日前更獲邀擔任葉振棠演唱會嘉賓，二人首先合唱《只有情永在》。以第一次嚟講，莊端兒表現淡定算唔錯㗎喇。
唔知係咪杜汶澤塞咗唔少嘢落佢袋，莊端兒喺台上有時都會自己搞下笑。不過無論佢有幾搞笑，有幾唱得，扮埋小鳳姐唱《順流逆流》都好，都唔及一對人間胸器吸引，所以唔少現場男觀眾都把持唔住，紛紛衝上台。
第一位黑黑實實嘅光頭靚仔，擺晒pose chok到爆，根本就係選港男嘅人才；第二位人兄相信平時踎開馬會門口，呢晚為親近莊端兒放低馬報收音機，拎住紮花上台死都唔願走，搞到莊端兒都有啲尷尬。咁啱得咁橋，呢個時候佢就唱到：「幾多艱苦當天我默默接受 」都算係應景。除咗男士，連女士都被吸引，有位C9拎住部電話直接衝上台想selfie，只能話Double May嘅魅力唔簡單。
來源 source: http://nextplus.nextmedia.com
|
鍾意就快D Share啦！
|
|
|