陳煒預告如果得視后會跳舞謝票，而身體欠佳嘅李佳芯就用真誠打動大家。
藝人李佳芯晚上現身《TVB職藝員聯歡晚宴2018》，憑《BB來了》提名視后的她被問會否在席間拉票？她自言是最不懂拉票的人：「不過聖誕好多活動出席都會趁機拉票，我攞晒身邊人電話叫佢哋投自己一票。（你係種票？）我係一票一票好辛苦攞番嚟，我投完會剷走個app，等佢哋改唔到。（考慮性感派福利拉票？）唔會，如果我識做呢啲嘅話我就識拉票啦，而且做呢啲同實力冇關係。我答應大家如果投我一票，我攞獎就會唱歌畀大家聽。」提到與視后大熱陳煒同場交鋒？她稱：「冇我哋都係同一個經理人。（佢係你最大對手？）除咗佢，黃智雯都好好，總之各有各拉票，做好自己。」
「我塊面出好多粒粒」
另外，有指她因推掉《禍後》一劇而令她獲視后的機會泡湯，李佳芯直言並非事實：「如果真係咁我就攞咗獎先推。」不過她承認的確推了該劇：「因為我嘅健康出咗問題，係健康理由而推劇，我好少推劇，之前做完手術都接《BB來了》，今次真係因為健康問題，我塊面出好多粒粒，爛面咁。」
而現場所見，她的兩邊臉頰及下巴位置確實有不少粒粒，她解釋：「我睇醫生，話我情緒同壓力影響免疫力，令內分泌唔平衡，所以面上先會出咁多疹，係自己唔覺唔覺畀自己壓力，一直以來冇足夠休息，依家睇中醫治療，中醫都叫我對自己唔好要求咁高，放鬆啲，啲疹自然會消，呢段時間都係放鬆同休息，中醫話我個腎唔好，我冇同人講，怕人擔心，想淡化呢件事。（呢段時間休息？）有工作都會接。」
另外，李佳芯與陳煒在台上拉票，陳煒以跳舞來拉票：「希望大家會投我一票，之前應承，我會跳舞畀大家睇，依家扭兩吓」至於李佳芯就沒有為自己拉票，而為劇集《BB來了》拉票：「套劇都播咗半年，如果大家仲記得套劇，如果套劇有令大家笑過喊過就投《BB來了》一票。」
來源 source: http://hk.on.cc
|
鍾意就快D Share啦！
|
|
|