網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年12月13日 星期四

歐聯:鍾斯老烏普巴世紀射失 曼聯祖記齊輸 __,曼聯,

(GettyImages)延伸閱讀:【歐聯主場最大敗仗!皇馬艾斯高仲鬧球迷】https://bit.ly/2Lfj4Y9 祖雲達斯已經爆冷不敵年青人, ...


(Getty Images)


延伸閱讀:

【歐聯主場最大敗仗!皇馬艾斯高仲鬧球迷】

https://bit.ly/2Lfj4Y9 

祖雲達斯已經爆冷不敵年青人,曼聯只要擊敗華倫西亞,就可取得歐聯分組首名資格,但球隊最後卻1分都攞唔到。賽前已擸出線權,之後英超又有「雙紅會」後顧,曼聯今仗依然有盧卡古、保羅普巴、桑馬達等打正選,但華倫攻勢入肉得多,再加上普巴上半場世紀射失,換邊後菲爾鍾斯又嚟個搞笑烏龍,就算有拉舒福特破蛋,曼聯仍輸1:2,將以次名出線16強。

華倫西亞今季於西甲極沉,但面對半力曼聯踢得頗輕鬆,17分鐘卡路士蘇拿於禁區內腳面拉靚波入遠柱,蝙蝠兵團先開紀錄。之後紅魔鬼不乏扳平機會,26分鐘桑馬達於禁區右路起左腳窄位抽射,華倫守衞莫達迪亞卡拜手部有動作掂到個波,但球證冇畀12碼。35分鐘客軍開出右路角球,費蘭尼二傳頂前,普巴空晒離門三碼一射,竟然龍都唔中。

換邊後2分鐘,華倫中場畀靚直線,菲爾鍾斯以飛快速度,快對手前鋒一步一鏟,竟然鏟咗個波入網,睇番個波溜入網嘅角度非常正中,反映鍾斯呢腳可以話鏟到錯晒。曼聯領隊莫連奴之後陸續換入艾舒利楊格、連格同拉舒福特入場,終於三人合力泡製破蛋入球,連格於右路底線回後,楊格嚟個靚斬,福仔門前一頂入網,但曼聯依然輸波。

另一邊廂祖雲達斯作客年青人,祖記擺強陣出擊,C朗都有落場。該名巨星上半場有數次埋門機會,但都差之毫釐,反而主隊憑賀阿胡射入12碼領先。換邊後祖記依然不斷浪費入球機會,賀阿胡憑一次反擊左腳抽入擴大領先優勢。80分鐘保羅戴巴拿左腳勁轟遠射追番粒,完場前佢重施故技怒轟入網,但因隊友越位在先入球作廢,祖記爆大冷輸1:2,不過依然首名出線。

東網體育FB同你追實體壇每個精彩時刻!

http://bit.ly/2ecTF2A 

支持本地運動員,一齊去「睇體」!

https://bit.ly/2DxX4XI 


來源 source: http://hk.on.cc
鍾意就快D Share啦!