網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年12月18日 星期二

【個仔都8歲】老公同前妻結婚廿年 周勵淇惹第三者疑雲 __,周勵淇,周麗淇,

(網上圖片)
【新增內容】噚日39歲嘅周勵淇突然自爆已經結咗婚,老公仲係大陸演員傅浤鳴(舊名:傅程鵬),本來結婚都可以算係一樁美事,之但係原來傅浤鳴曾經有過一段近廿 ...


【新增內容】

噚日39歲嘅周勵淇突然自爆已經結咗婚,老公仲係大陸演員傅浤鳴(舊名:傅程鵬),本來結婚都可以算係一樁美事,之但係原來傅浤鳴曾經有過一段近廿年嘅婚姻,更育有一子,而離婚到再婚都只係一年多啲嘅事,結果惹嚟諸多揣測。



45歲嘅傅浤鳴同42歲嘅前妻程愫都係大陸演員,兩人更加係上海戲劇學院嘅同校師兄妹,雖然兩人就讀時互相都唔識對方,但一次傅浤鳴以優秀生身份返母校幫手招聘,遇上程愫,好快兩人就一齊去咗南京軍區前線文工團做同事,喺共同嘅追求、愛好、理想及生活當中,兩人喺周圍朋友幫忙撮合之下共諧連理,自此形影不離,更加係圈中嘅模範夫妻。



剛結婚嘅傅浤鳴同程愫喺演藝事業上雖然未有好大成就,但兩人自結婚起一直都低調恩愛,程愫非常支持老公追求事業,喺2010年兩人嘅囝囝出世後,程愫更加注重家庭,而傅浤鳴亦因為拍軍旅戲而開始打開知名度,喺一次訪問中,程愫形容傅浤鳴係一個「責任感強、有擔當、是一個萬裏挑一的丈夫。」



一次傅浤鳴同程愫嘅訪問中,傅浤鳴話自己曾經試過幾年冇戲拍,每月收入只有幾百蚊人民幣,當主持人問程愫點解結婚時,程愫話:「人家說我一定要有房,我再結婚,或者說我一定要買車,我再結婚,結婚要錢嗎?結就結吧。」呢句說話,當年得到好多影迷支持。



不過到咗上年,傅浤鳴被爆同程愫離婚,有自稱程愫「閏密」嘅網民喺微博爆料,話傅浤鳴為咗一個介入佢同程愫婚姻嘅第三者,不惜拋棄糟糠及兒子,呢條微博曾經被大陸網民瘋傳,但係最終已經被刪除。



可惜,背後種種原因外人不得而知,只係知道呢一對曾經嘅模範夫妻已經離婚,42歲嘅程愫帶住8歲嘅囝囝繼續生活,而昔日嘅程愫老公傅程鵬,o依家已經係周勵淇嘅老公傅浤鳴喇。





精選娛聞,喺晒《娛果》

http://fb.com/appledailyent



(網上圖片) 傅浤鳴同程愫係大陸演員,曾經結婚廿年(網上圖片) 傅浤鳴同程愫係大陸演員,曾經結婚廿年(網上圖片)
程愫非常支持老公追求事業,更為傅浤鳴誕下一子(網上圖片)

程愫非常支持老公追求事業,更為傅浤鳴誕下一子(網上圖片)
離婚後,42歲嘅程愫帶住8歲嘅囝囝繼續生活。(網上圖片)

離婚後,42歲嘅程愫帶住8歲嘅囝囝繼續生活。(網上圖片)

鍾意就快D Share啦!