阿嬌同「醫界王陽明」賴弘國（Michael）今年5月喺美國行禮，一班藝人朋友都有出席到賀。今日佢哋喺香港正式註冊，成為合法夫妻啦，恭喜晒！
今日嘅註冊儀式佢哋只邀請30多位至親好友見證。下午3點45分，英皇藝人管理總監霍汶希拎住一袋禮物到場，佢表示：「我買咗幾隻豬啦，由古生古太開始，即係基仔結婚開始，都係一揪揪豬囉。」又指自己近日經常要送禮好破費，不過都送得開心。但就唔透露阿嬌幾時喺香港正式擺酒。
隨後英皇老闆楊受成、關智斌、鄭希怡、容祖兒、古巨基，阿Sa等阿嬌的圈中好友陸續抵達現場為一對新人做見證。
阿嬌同老公賴弘國一同抵達現場，兩人雙雙笑得勁幸福，Michael仲幫阿嬌梳一梳頭髮，好恩愛啊！不過阿嬌只笑住講咗句：「趕住換衫啊！」後就急步走，並無接受訪問。
於註冊場地阿嬌換上裸色花裙，而Michael則穿上藍色西裝，兩人打扮簡約，有一班親友祝褔最重要。
來源 source: http://nextplus.nextmedia.com
|
鍾意就快D Share啦！
|
|
|