化妝，就係落咗妝，人哋仲認得你。如果落咗妝，人哋認唔到你，嗰啲叫做喬裝。近年唔少網民喺網上晒喬裝，加上網上又有「間尺鼻」、「尖下巴」賣，只要貼上塊面，真係隨時變Angelababy2.0又得，變楊冪2.0都得，今次仲有劉嘉玲2.0。
劉嘉玲今日喺網上貼出一條片，留言：「這個妝化得比劉嘉玲還要好。」事緣，早前有個大陸網民貼咗化妝片上網，大晒「易容術」，片中見佢用一隻手遮住塊面，露出化淡妝嘅面，相貌平平，之後佢用另一隻手遮住化淡妝嗰邊面，見佢半邊面化嗰個妝，驟眼睇好似劉嘉玲，又有啲似嘉玲好友那英，唔少人第一眼睇都覺得好驚訝，認為呢個妝比整容更厲害，簡直係神乎其技，不過有網民覺得嘉玲嘅靚係在於氣質，所以覺得呢位網民只係個妝似嘉玲，並冇嘉玲咁靚。
有網民覺得佢可以做嘉玲嘅替身，另有網民覺得呢條片嘅背景音樂《沉默是金》呢句「冥冥中都早注定你富或貧」，真係好應境。
精選娛聞，喺晒《娛果》
http://fb.com/appledailyent
| 早前有個大陸網民貼咗化妝片上網，似足劉嘉玲。網上圖片 | | |
|
鍾意就快D Share啦！
|
|
|