網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年1月10日 星期四

西甲:曼聯夠爽手 摩連奴教皇馬快到咁? __,曼聯,

(GettyImages)摩連奴隨時上「艦」!葡萄牙領隊摩連奴上月中畀曼聯辭退,之後一直有傳佢得到西甲班霸皇家馬德里垂青,但講到要落實成事,大家都明白 ...


(Getty Images)


摩連奴隨時上「艦」!葡萄牙領隊摩連奴上月中畀曼聯辭退,之後一直有傳佢得到西甲班霸皇家馬德里垂青,但講到要落實成事,大家都明白仲有好多手尾要先搞掂!事實上,之前皇馬未搵蘇拿利坐正,就曾經傳過搵前車路士領隊干地接手,只係因為干地離開「車仔」之後,啲賠償金一直未獲找清,搞到佢仲未可以去開新工。不過,根據今日英國傳媒爆料,原來「紅魔鬼」已經極速找清1500萬鎊尾數畀「寸王」,換句話講,依家只要「寸王」同皇馬傾掂數,佢就可以回巢再掌帥印。

據知,曼聯今次肯爽手找數,係因為佢都唔想同摩連奴糾纏,而家陣「寸王」已經可以隨時接受任何新工作,但消息人士話佢並唔心急,甚至願意等到季尾先考慮出山都冇問題,所以包括賓菲加在內嘅4間球會聘約,暫時都未能打動到佢。

不過,你唔急但皇馬急,事關蘇拿利上任之後,過完開頭虛火,「銀河艦隊」近排戰績下滑,嚟緊要再換帥根本唔出奇,而「寸王」正正係皇馬會長皮里茲心目中嘅首席人選,皆因2010年「寸王」當年首度執教皇馬,就贏得過西甲同西盃,絕對畀到皮里茲信心。事實上,今日英國媒體就爆出,話皇馬其實喺推蘇拿利坐正之前,已經斟過摩連奴,只不過當時「寸王」話自己效忠曼聯,無意離隊,不過家陣時移勢易,自然乜都有得傾

東網體育FB同你追實體壇每個精彩時刻!

http://bit.ly/2ecTF2A 

支持本地運動員,一齊去「睇體」!

https://bit.ly/2DxX4XI 


來源 source: http://hk.on.cc
鍾意就快D Share啦!