除了有家人築成的避風港，沈卓盈還有家族經營內衣褲出口生意的男友Calvin做守護神。沈大師坦言每次遇上難題，總會跟大家姐、媽咪及男友Calvin商量，今次離巢的決定，也獲三票通過。沈大師很多時其實都是報喜不報憂：「我係性格比較獨立同tough嘅女仔，唔想煩到身邊朋友或親人。唔係每個人都想去接收我嘅負面情緒，只希望將自己開心事同大家分享。」再堅強的沈大師，也有軟弱一面，也需要男友的肩膊：「男朋友係我嘅守護神，無論發生乜事，佢都會第一時間出嚟撐我、保護我、支持我同鼓勵我。」
相關新聞：【選美入行】「沈大師」源自股評人
「揀啱就一世」
沈大師16年被《蘋果》踢爆跟Calvin拍拖，兩人拍拖三年多，感情穩定：「呢三年對我嚟講好難忘，16年經歷爸爸患病，17年爸爸走咗，呢件事對我打擊好大，爸爸係我最尊敬、最愛嘅男人。呢段時間全靠男朋友喺身邊，過去呢兩年，我幾乎晚晚都喊，佢晚晚聽我呻，安慰我，係我精神支柱。」至於兩人有否計劃結婚？她說：「大家有共識，向住同一個方向行，做嘅話都係timing啫。我好專一，認定揀啱就一生一世。呢刻可以講，我哋感情好穩定、好開心。」
|
鍾意就快D Share啦！
|
|
|