藝人洪天明出席慈善首映，提到父親洪金寶恨再抱孫，問他會否想追個女？他坦言：「有個女梗係好，但有兩個已經好辛苦，係時間分配辛苦，我成日唔喺香港，唔想生咗個唔理佢，睇老婆想唔想生。」他笑言想胞弟盡快結婚，能為其分擔，又指如決定再生，會到外國透過先進科技懷孕：「依家科技昌明，可以揀性別。我有朋友喺外國搵代母生，我同老婆講咁咪唔使咁辛苦，但佢擔心代母飲食唔健康。不過，雖然外國合法，但原來返到嚟香港係唔合法。（所以勸老婆生！）如果健康又承受到，再過一兩年啦。」
趁住今次旅行努力造人追豬女？他指一家幾口去旅行忙住湊仔，追女一事順其自然：「其實知道有咗第一個仔之後，爸爸已經叫我快啲生個女，當時老婆有咗四個月咋！（老婆大壓力？）唔會，冇得迫嘅，等佢想生先。」他謂現時除了幕前外，還兼顧幕後工作，希望先專注事業。
---------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|