中大的天然景觀及港大的舊式建築一向是影相熱點，不時有校外人士入內「參觀」，但近日兩大學校園湧現大批「鴨仔團」，在午膳時段於飯堂與學生爭位，有學生在網上發文炮轟「大陸人當正係佢主場咁」。中大學生會昨在facebook出聲明，指這些校外人士多次在上課時段聯群在校內飯堂用膳，及乘搭本應只供中大師生使用的校巴，嚴重影響中大師生日常校園活動。
本周二（29日）有人在「HKU Secrets」fb專頁發帖，指當日午膳時段在港大「SU can」食飯，發現有相信是來港交流的「幾班大陸初中細路」在場，令他要用很長時間才可排隊買飯，之後他自己一邊食飯，一邊用耳筒睇手機煲劇，但突然有人前來搭訕，「有個大陸細路（好似揾唔到位），冇啦啦搭我訕（好似係叫我食快啲），咁我睇劇唔太聽到佢講乜，咁我就望一望佢就冇理繼續睇劇同食飯，跟住佢竟然鬧我唔識普通話，話咩香港要喺小學開始學PTH。」他認為學校飯堂主要供學生及教職員使用，「大陸人當正係佢主場咁，cedars（學生發展及資源中心）係咪要做返啲嘢呢？」
網民「Ricki Cinos」亦在另一fb群組分享上述「HKU Secrets」的帖文，直斥「離哂譜」，又指自己在港大校園食飯都見到人頭湧湧，「就係太多大陸客係都要同學生職員逼住同一時間食。餐廳貼咗只招待學生職員但係完全冇執行過。好多港大人都被迫要出街食」。
不少網民留言，中大、科大、理大等亦出現類似情況。中大學生會昨發聲明指，近日校園多次出現大量外校人士，當中不少人更被發現以「鴨仔團」的形式（有旅遊巴接載及統一服飾）出現。該會已就此向中大校方查詢，校方人員回應指中大近日並未特別收到團體的觀光申請，估計相關校外人士是在沒有申請情況下擅自在中大範圍觀光，校方承諾將聯絡各部門處理問題。中大學生會認為，中大校園是中大師生進行研究、學習及生活的地方，絕非歡迎旅客觀光的旅遊景點。
內地旅遊網站有不少香港「名校遊」的旅團推介，標榜「香港名校考察+香港科技大学+香港中文大学+深度一日游【上门接送，私人包团2-5人，专业讲解】」，稱提供一站式服務，參加者可全面了解香港名校歷史，聲言「名校之旅考察，给孩子一个明朗未来」。
有網民在中大學生會帖文下留言，指日前在中大本部巴士站見到一行二、三十人，帶帽穿統一T-shirt由canteen行上百萬大道，「個導遊公然企係馬路中心揮旗，等佢啲團友過馬路，當時喺站頭幾架巴士都唔郁得，要等佢哋過哂先可以開車」。有人更笑指遲早有過千「大媽」在百萬大道洗乳罩、洗腳、洗「底底」，「到時中大校董會主席『梁奶朋』出來招呼佢哋」。
網民留言
●Yu Pak Hing：佢地啲觀光客搞到中大同學成日趕校巴都冇晒位，認真要求上校巴前要領學生證檢查
●Sukyi Chan：早幾日都喺（中大）本部巴士站見到，當時一行二、三十人（似係某國學生，帶哂帽着哂T-shirt）由canteen經PK梯行上百萬大道
●Kanu Tang Ztk：光復中大
●Hui John：貴校(中大)應該檢討如何提升接待能力
●Tony Leung：遲早過千大媽在（中大）百萬大道洗乳罩，洗腳，唱咸水歌，洗底底，洗「江門」，洗……到時中大校董會主席梁奶朋出來招呼佢哋。
每晚送5萬！星期一至五晚上10點半
《動腦Q》Let's Q the money！
http://bit.ly/2QW8LcI
| 港大的舊式建築一向是影相打卡熱點。 | | |
| |
|
鍾意就快D Share啦！
|
|
|