麥兆輝揭張家輝角色呃人嘅！
《廉政風雲 煙幕》受戲迷追捧，角色設計居功不少，而戲中張家輝飾演的會計師，原來藍本來自導演麥兆輝的哥哥！
麥兆輝受訪時透露，比他年長6、7歲的哥哥當年曾在英國修讀會計，惟入職兩年後毅然辭職投考警察，由於他當時年紀尚小，未有真正了解詳情，直至長大後與哥哥閒聊才獲悉箇中原因，他說：「哥哥話我知，做會計呢個行業可以反映到依家個世界係點，返學係學解決數學問題，所以好好玩，但到做會計師時要學識將啲數字去隱藏，雖然未至於犯法，但係呢樣嘢係呃人，做數唔係計數，要搵啲嘢將件事合法化。」
當構思該片內容時，麥兆輝便把那些元素投射在家輝的會計師角色內：「佢諗辦法將啲嘢變成合法化，但覺得自己咁做係唔啱，所以就舉報負責做會計嘅煙草公司，係有投射哥哥落角色入面，當然家輝都做得好好。（係咪向哥哥致敬？）一部分，唔可以話全部係。」
來源 source: http://orientaldaily.on.cc
|
鍾意就快D Share啦！
|
|
|
