掃呢頁CODE去手機

2019年2月8日 星期五

羅力威:邊位掉咗新城獎?小菌羅力威連詩雅急澄清 __,羅力威,連詩雅,

每年音樂頒獎禮都會聽到歌手話啲獎好難攞,不過呢日就有人將個獎當垃圾咁掉喺北角渣華道橋底,睇番個獎係「2013年新城勁爆躍進歌手」,究竟邊個咁唔畀面掉咗 ...


每年音樂頒獎禮都會聽到歌手話啲獎好難攞,不過呢日就有人將個獎當垃圾咁掉喺北角渣華道橋底,睇番個獎係「2013年新城勁爆躍進歌手」,究竟邊個咁唔畀面掉咗個獎呢?消息傳出之後,當年有份得獎嘅羅力威、連詩雅、龍小菌、蔚雨芯火速走出嚟澄清!

龍小菌用最直接嘅方法攞住個獎嚟影相洗冤,其餘幾位嫌疑人就齋講冇相,蔚雨芯留言話:「我啲獎全部喺晒公司WO....冤枉」,連詩雅即刻搭嗲話:「me too!」至於雨僑就代老公羅力威「出頭」話:「目測...我呢邊都唔係。」但之後又補飛:「嗱!我斷捨離掉自己啲嘢咋...唔關我事!」最後羅力威現身話:「就算我真係有扔個奬,都一定唔會出現係(喺)港島..我住九龍。」唔少網友話,全部得個講字,齊聲呼籲佢哋攞住個獎自拍,仲要攞住張報紙證明係新相,做到有圖有真相洗脫嫌疑!

話時話,其實當年得獎仲有一位歌手就係吳彤,喺2014年接受東網訪問時報稱住喺北角,唔通……


來源 source: http://hk.on.cc
鍾意就快D Share啦!