2019年2月8日 星期五

【謎底幾時解開】新城獎當垃圾扔喺北角橋底?網民化身偵探鎖定棄獎歌手 __,

商台DJ Colin昨日在北角渣華道橋底一個地攤發現「2013新城勁爆躍進歌手」獎座。
【新增回應】相關新聞:【行兇者仍然在逃】吳彤有相證獎座已入倉蔚雨芯堅持放公司歌手每年均說重視獎項,覺得獲獎是一種鼓勵,商台DJColinMak昨日在北 ...


【新增回應】

相關新聞:【行兇者仍然在逃】吳彤有相證獎座已入倉 蔚雨芯堅持放公司



歌手每年均說重視獎項,覺得獲獎是一種鼓勵,商台DJ Colin Mak昨日在北角渣華道橋底地攤發現一個2013年新城勁爆頒獎禮「新城勁爆躍進歌手」獎座,猶如垃圾,與其他二手物品放在地上,網民笑言場面好像「送禮勤」事件,歌手李克勤2005年送紀念品給曼聯,怎料愛隊忘記拿走,令紀念品黯然留在大球場更衣室。



商台DJ Colin在北角橋底發現新城勁爆躍進歌手獎座,問到獎座有冇寫歌手名?Colin短訊回覆《蘋果》:「我唔知邊個歌手呀,噚日行過,喺啲阿婆賣緊嘅雜貨堆度見到。」不知是否歌手丟棄獎座後,被阿婆執到攞去擺地攤呢,問到阿婆將獎座賣幾錢?Colin表示:「我影咗張相,冇問價走咗喇,趕住去打邊爐呀!」



目前一眾網民根據線索,化身金田一,鎖定五位歌手為「可疑人物」,包括連詩雅、羅力威、龍小菌、蔚雨芯及吳彤,不過歌手吳彤於2018年已回流加拿大,在溫哥華定居,吳彤今早在facebook留言:「移居加拿大一段時間,應該要斷捨離都一早斷捨離。不過我獎唔多,所以擺倉都仲好多地方,有緣攞出嚟影張相啦,何況咁多女裝鞋,我應該冇咁嘅福份,亦冇咁嘅興趣,祝大家豬年快樂!」



而龍小菌早上於Ig拿着獎座影合照,寫道:「2013年勁爆躍進歌手獎,多謝新城,多謝銳哥當年頒呢個獎畀我,攞一次獎有兩個機會講多謝,我仲有唱歌寫歌㗎,謎底好快解開。」又多一個證明清白。



連詩雅及蔚雨芯稱獎項全部放在公司,羅力威則留言:「就算我真係有扔個獎,都一定唔會出現喺港島區,我住九龍。」究竟係邊位歌手這麼灑脫,同獎項斷捨離,看到這張相會否急忙到北角渣華道拾回珍貴的獎座呢!?



網民紛紛建議歌手最好貼相自保,回覆「掉都掉得好啲……勿畀人發現」、「呢個好好笑」、「要掉獎又唔會針對掉一個,除非佢本人根本冇咩獎攞過囉」、「可唔可以回收」,網民認為最「可疑人物」就是連詩雅和吳彤。



而蔚雨芯回覆《蘋果》說:「噚日睇新聞都覺搞笑同趣致,見到時都幾震驚,始終獎項咁扔咗都唔係幾老利,始終新年。嗰個獎係好多歌手曾經擁有過,但未至於咁樣扔咗佢,除非真係唔小心啦。我所有獎,TVB、新城其他獎都好,我都一路畀公司Keep住,冇自己攞番,現公司轉office,pack晒入迷你倉,希望遲啲同事攞番個獎出嚟,我影番畀朋友仔睇。同埋啲鞋咁大對都唔係我,因為我着37號。」Colin是在阿婆地攤發現獎項,相片中的鞋可能不屬同一人,所以蔚雨芯解釋「同埋啲鞋咁大對都唔係我,因為我着37號」,暫時未能洗脫嫌疑喎!



此外,新城資訊台總監程凱欣回覆:「我們認為任何一個頒獎禮所頒發獎項,都是對得獎者的肯定及具有紀念意義,至於是次個別事件,我們不作評論。」



精選娛聞,喺晒《娛果》

http://fb.com/appledailyent



10萬蚊 100人分!

星期一至五晚上10點半

《動腦Q》Let's Q the money!

http://bit.ly/2QW8LcI



商台DJ Colin昨日在北角渣華道橋底一個地攤發現「2013新城勁爆躍進歌手」獎座。 一眾網民根據線索,鎖定五位歌手為「可疑人物」。(影片截圖) 一眾網民根據線索,鎖定五位歌手為「可疑人物」。(影片截圖)
龍小菌早上於Ig拿着獎座影合照。

龍小菌早上於Ig拿着獎座影合照。
龍小菌「貼相自保」更再次多謝銳哥。(Ig截圖)

龍小菌「貼相自保」更再次多謝銳哥。(Ig截圖)
蔚雨芯稱獎項全部放在公司。(Ig截圖)

蔚雨芯稱獎項全部放在公司。(Ig截圖)
連詩雅回應蔚雨芯。(Ig截圖)

連詩雅回應蔚雨芯。(Ig截圖)
吳彤今早稱獎座在倉庫。(Ig截圖)

吳彤今早稱獎座在倉庫。(Ig截圖)
羅力威指自己住九龍區。(Ig截圖)

羅力威指自己住九龍區。(Ig截圖)
DJ Colin Mak Ig截圖

DJ Colin Mak Ig截圖

鍾意就快D Share啦!
Related Posts Plugin for WordPress, Blogger...