2019年2月27日 星期三

李克勤:關淑怡谷胸做嘉賓 李克勤怕老婆鬧唔敢望 __,李克勤,關淑怡,

歌手李克勤剛完成美國及東莞巡唱返港,因兩星期內舟車勞頓加上時差,令向來捱得的他都大叫疲累,終於要喊停休息兩日。克勤謂先是去美國巡迴演出,回來後因休息不 ...


歌手李克勤剛完成美國及東莞巡唱返港,因兩星期內舟車勞頓加上時差,令向來捱得的他都大叫疲累,終於要喊停休息兩日。克勤謂先是去美國巡迴演出,回來後因休息不夠,到東莞開騷前還要到另一個地方商演,搞到在東莞綵排吊威吔空中打轉後,便開始不停想嘔,搞到連晚飯都吃不下,好彩休息一晚後沒事。

至於今次東莞巡唱,克勤請來好友關淑怡(Shirley)任表演嘉賓,雖然天氣未回暖,但Shirley一出場就令全場熱度升溫,穿了一件超低胸的束胸衣,大騷事業線,就連克勤都說被她嚇一嚇:「我唔敢亂望呀!我怕畀老婆鬧,我只得盡量望你個頭頂」Shirley笑道:「你唔好咁」之後克勤將手上的玫瑰花送給她,並表示:「同Shirley識咗30年嘅好朋友...」Shirley即說:「總之在心中嗰啲啦,你知我中文唔係幾叻啦,盡在不言中!」克勤提議她可講英文表達,兩人便以港式英語對答:「In my heart!In our Heart!You Know!I Know!We Know!」又說:「Very Happy Tonight!Very Good Tonight!」不停你一句、我一句好搞笑。

之後克勤打算幫她拿開花,免得「浪費」其性感造型,但Shirley竟堅持拿着,並說:「我怕畀咗啲唔應該睇嘅嘢畀大家睇!」克勤即言:「唔會啩,咁疏爽?」她自嘲:「因為我有三舊腹肌囉。」最後Shirley捧着花與克勤合唱《依然相愛》。

另外,克勤之前在美國站時,大隊遇上大風雪,樂隊及工作人員坐了二十多小時車才到RENO演出場地。克勤則因為先去了洛杉磯買結他,所以「避過」不用於漫天風雪下捱長途車,但見工作人員及觀眾,全部捱風雪來,心裏很是感動,唱到一半竟忍不住落淚,要重唱:「我以為個騷會得一半或者少過一半人,邊個會咁大風雪仲嚟睇騷?點知全部到晒!你諗吓有人肯為咗聽你唱歌,坐十幾二十個鐘車,冒住風雪嚟,嗰一刻真係好感動!人到都已經開心啦,班歌迷仲有銀紙花,又利是咁,見到啲幾十歲大男人,仲拎住燈牌衝上前點唱又同我大合唱,我真心好感謝!」接下來克勤計劃會到武漢及江門繼續巡迴,另外最新國語唱片也快將開工。

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!
Related Posts Plugin for WordPress, Blogger...