掃呢頁CODE去手機

2019年2月4日 星期一

張寶兒:硬食中指好激動 張寶兒爆袁偉豪嬲豬原因 __,張寶兒,袁偉豪,

藝人張寶兒日前駕車時遇上無禮司機舉中指,男友袁偉豪不甘女友被蝦將事件網上發文鬧爆司機,張寶兒現身為有份投資的年宵攤位做生招牌,對於被舉中指一事,她強調 ...


藝人張寶兒日前駕車時遇上無禮司機舉中指,男友袁偉豪不甘女友被蝦將事件網上發文鬧爆司機,張寶兒現身為有份投資的年宵攤位做生招牌,對於被舉中指一事,她強調自己揸車安全:「但我後面架車就係咁閃燈,又推住我,唔知佢係咪趕時間定係有乜急事,跟車好貼咁,(有冇嬲個司機推住你?)冇,其實我揸車唔係好激動嘅人,我左邊又有車都冇位讓開畀佢,我惟有行快少少,但佢都覺得未夠空間啩。」

男友力撐你可覺得Sweet?她謂:「我只可以講佢係一個好正義嘅人嚟,特別係喺揸車上,因為佢自己都係一個好奉公守法嘅人,所以當見到大家製造咗啲麻煩或者一啲危險嘅情況嘅話,佢會激動啲,但當時見後面係咁閃燈都冇乜點樣,但反而駕車行咗好遠之後舉中指就有啲激動。(你哋冇反舉中指回應?)當然冇啦。(佢會唔會認出你哋兩個係藝人?)應該唔認得嘅,但相信喺香港揸車嘅人都會遇過類似情況嘅。」


來源 source: http://hk.on.cc
鍾意就快D Share啦!