掃呢頁CODE去手機

2019年2月4日 星期一

【爆相爆片】何超盈帶男友見老工人 「啤啤熊」戰鬥格排隊搶食buffet __,何超儀,何超盈,爆相爆片,

(讀者提供/資料圖片)
以何超瓊為首的「二房」,日前與已故商人霍英東創立的霍氏基金及信德訂立協議,組成持有澳博母企澳門旅遊娛樂股份(澳娛)逾一半股份的股東聯盟,將「以進行商討 ...


以何超瓊為首的「二房」,日前與已故商人霍英東創立的霍氏基金及信德訂立協議,組成持有澳博母企澳門旅遊娛樂股份(澳娛)逾一半股份的股東聯盟,將「以進行商討、達成共識的方式」推選澳娛,以至澳博主席及董事會成員,同樣持有澳娛股權的「三房」及「四房」無份簽署該協議,令到外界猜測此舉疑孤立四太梁安琪。(新聞連結: https://bit.ly/2Wk9Izz )



四太未有就此事回應,四太幾個仔女,就只得大仔何猷亨有參與澳博業務,大女何超盈與細仔何猷君就往外闖,超盈搞藝術拍賣、文化保育,猷君搞電競運動。這幾年忙做女強人的超盈,早前被揭有拖拍,日前被《蘋果》讀者何小姐透過「爆相爆片」直擊她與一位四眼男子在灣仔食buffet,她身穿潮牌超大粉紅羽絨如「啤啤熊」造型,何小姐表示:「當時大概7點,佢哋係嚟食6點至8點嗰場buffet,佢無化妝,着住件大羽絨同短褲去排隊攞嘢食,不過好多人都認得佢係何超盈,估唔到佢都會嚟排隊食buffet,呢個時段嘅buffet係收$680。由於佢件褸好大件同埋排隊攞食物條走廊好窄,佢拎住兩碟嘢都撞到人,見佢排隊去攞燒味,原來佢同個老工人一齊,個工人就排緊另一條隊攞其他食物,我聽到佢叫老工人做『鍾姐』,佢就拎住一碟食物。」



之後,二人拎好食物,就行返座位,餐廳經理應該認得超盈,即上前幫手開路,何小姐表示:「佢哋返到去,原來有一個男仔坐喺度,個男仔睇落似細過超盈,同埋係應該幫手睇住佢哋啲手袋,佢見到超盈就企起身,二人即刻咬耳仔。」片段中,聽到超盈對住老工人講:「我將你個手袋放入裏面。」吃了一會,何小姐表示超盈再出動,去拎咗兩大碟甜品返去。



再看清楚,與超盈食buffet的四眼男,應該是11月和她去日本出席友人婚禮的男友Thomas Xin,估計她帶男友見老工人。超盈平時是千金小姐,但對住男友和老工人,即變身「阿四」,親自出去排隊拎食物,認真「廿四孝」,貼地加分。之前,超盈被揭有戀情時,四太曾向傳媒表示與對方見過面,更大讚超盈男友斯文。



10萬蚊 30人分!《動腦Q》新春Q多寶

年三十至初三 3:15pm、10:30pm

豬年動腦,Q多啲money!

http://bit.ly/2QW8LcI



精選娛聞,喺晒《娛果》

http://fb.com/appledailyent



【文火煲劇】《性愛自修室》解答青少年性愛疑難雜症

https://bit.ly/2Giiokm



【職員互傳淫片】勝利就暴力事件發文道歉 《Dispatch》爆夜店牽涉性暴行

https://bit.ly/2DQKrpt



【攬啜恤衫男】鄭俊弘淡淡定回應 爆乳Bebi:我係佢fans

https://bit.ly/2S3E3UJ



【乜玩法?】嫁C君多人祝福 黃天頤講多謝被Ig block回覆功能

https://bit.ly/2SatVtv



【free lunch and free love】吳綺莉爆Seed寸Andi 卓林:佢係想attack我

https://bit.ly/2Tv6K9F



(讀者提供/資料圖片) 素顏的超盈一手拎住兩大碟食物。(讀者提供) 素顏的超盈一手拎住兩大碟食物。(讀者提供)
回到座位,Thomas即起身與超盈咬耳仔。

回到座位,Thomas即起身與超盈咬耳仔。
超盈帶男友與老工人見面

超盈帶男友與老工人見面
餐廳經理認得超盈,幫手開路。

餐廳經理認得超盈,幫手開路。
Thomas戴眼鏡,轉了新造型。

Thomas戴眼鏡,轉了新造型。
超盈與老工人齊齊去拎食物

超盈與老工人齊齊去拎食物
二人回到座位,Thomas負責睇手袋。

二人回到座位,Thomas負責睇手袋。
超蓮身穿潮牌巨羽絨,十足「啤啤熊」上身,在狹窄的餐廳走廊,與客人排隊拎食物。

超蓮身穿潮牌巨羽絨,十足「啤啤熊」上身,在狹窄的餐廳走廊,與客人排隊拎食物。
超盈男友在Ig的簡介相(網上截圖)

超盈男友在Ig的簡介相(網上截圖)
上年11月,超盈帶男友去日本出席友人婚禮,同場有林建岳千金林心兒,她將合照上放上Ig。(資料圖片)

上年11月,超盈帶男友去日本出席友人婚禮,同場有林建岳千金林心兒,她將合照上放上Ig。(資料圖片)

鍾意就快D Share啦!