掃呢頁CODE去手機

2019年2月1日 星期五

兩大影帝酒店鬥爆笑彈 家輝冇涼沖青雲亂撳掣 __,劉青雲,張家輝,

《廉政風雲 煙幕》舉行首映禮,星光熠熠,場面熱鬧。
兩大影帝酒店鬥爆笑彈家輝冇涼沖青雲亂撳掣繼內地一連串旋風式宣傳後,張家輝、劉青雲及林嘉欣前晚出席英皇賀歲片大型首映禮,三人鬥爆拍外景住酒店趣事,青雲與 ...


兩大影帝酒店鬥爆笑彈 家輝冇涼沖青雲亂撳掣

繼內地一連串旋風式宣傳後,張家輝、劉青雲及林嘉欣前晚出席英皇賀歲片大型首映禮,三人鬥爆拍外景住酒店趣事,青雲與家輝鍾意玩掣,家輝玩到冇涼沖!而嘉欣則必定戴「罩」,笑言一罩住就搞掂。

兩大影帝張家輝、劉青雲及影后林嘉欣前晚在九展出席英皇賀歲電影《廉政風雲 煙幕》首映禮,現場星光熠熠,多位紅星撐場,除了英皇集團老闆楊受成外,還有袁詠儀、方中信、湯怡、洪卓立、吳岱融、古巨基、張智霖、周勵淇、溫碧霞、周柏豪、王浩信、黃子華、樂易玲等。導演麥兆輝帶領主角們進行醒獅點睛儀式,齊齊慶祝新歲,場面墟冚又熱鬧。

家輝、嘉欣及青雲齊齊受訪,大談拍攝點滴及拍外景住酒店的秘密,提到家輝、嘉欣在澳洲拍外景拍足一個月,令青雲大為羨慕時,家輝聞言即唔輸蝕說:「我夠羨慕佢喺香港拍咯!拍完可以返屋企,你估外面住一個月酒店好好玩呀?(好掛住屋企?)可以瞓番自己張床梗係好啲。」

林嘉欣拉住劉青雲手仔齊齊豎拇指讚好!
  • 林嘉欣拉住劉青雲手仔齊齊豎拇指讚好!
黃子華(右)前來捧場,與楊受成合照。

  • 黃子華(右)前來捧場,與楊受成合照。
嘉欣在戲中要打家輝,更笑言對方很樂意。

  • 嘉欣在戲中要打家輝,更笑言對方很樂意。

林嘉欣瞓覺不離「罩」

青雲坦言出埠拍外景沒有問題,最困擾的是每晚要返酒店搞掣:「有時每晚都要換酒店,適應房間設施係一件幾頭痛嘅事,好似控制燈掣咁,真係幾麻煩,試過長時間喺外面做嘢,返到酒店都會瞓唔着,咪搞吓燈掣囉!最難適應點熄燈掣,同埋搵一條光嘅路行去廁所。」家輝即表認同,笑言試過入到酒店浴室不知如何開水,搞到沖不到涼。而嘉欣似乎少點麻煩,更表示出埠從不會失眠,因必定會戴眼罩,總之一罩住「自己就熄咗」瞓着,家輝即抵死地說:「吓!用飛虎隊面罩得唔得?」青雲則拒絕用「罩」,因習慣睜開眼就要看到東西。

(左起):張智霖、古巨基、楊受成

  • (左起):張智霖、古巨基、楊受成

  • 放大圖片
溫碧霞(左)大讚青雲好戲。

  • 溫碧霞(左)大讚青雲好戲。
周勵淇大讚青雲好戲。

  • 周勵淇大讚青雲好戲。

齊聲想拍續集

另外,嘉欣透露戲中頗多動作,更要打家輝:「佢好樂意畀我打。」在旁的家輝立即加以否認,問到若再開二、三集,三人異口同聲表示想參與。不過,三人最近四出宣傳,之後又去蘇州,家輝笑說:「出埠出到個人好心灰。(幾時休息放假?)個心就休咗好耐,但個人休極都休唔到。」又指自己在澳洲雪山拍攝滑雪戲份時,掉了手提電話也懵然不知,幸而有好心人拾獲交回服務台,大呼好彩。






鍾意就快D Share啦!