名模陳嘉容近年工作以主持為主，少咗行catwalk，連佢自己都話丟低咗model工作搞到生疏晒，行兩步轉幾個圈就頭暈。對fans嚟講，呢個絕對唔係好消息，畢竟40出頭嘅陳嘉容依然好索，fans梗係想佢繼續有火辣辣嘅作品不過佢除咗主持外，又有自己嘅時裝生意，好多嘢要兼顧，有時間都盡量留嚟同印籍男友拍拖啦，話晒男友係機師，周圍飛好少喺香港stay，唔把握機會二人世界點維持感情呀？
二人2012年拍拖至今已經7年，為咗解決7年之癢或者將感情保鮮，好多人會選擇結婚，但陳嘉容似乎唔心急，而且同男友感情依然好好，二人好簡單食個快餐都笑得勁甜勁開心，又不停自拍，似足啱啱開始拍拖嘅熱戀情侶。唔通因為二人唔常見面，反而真正做到小別勝新婚？亦可能同男友一向夠風度有關，事關就算拍拖多年，但呢位男友依然會開車門俾陳嘉容上車先。呢次拍拖食飯睇戲，又係安頓女友坐低咗，然後先去買餐。
有個好男友，相處得開心，就算年紀唔細，但都唔差一紙婚書啦。
來源 source: http://nextplus.nextmedia.com
|
鍾意就快D Share啦！
|
|
|