藝人張兆輝日前以1,700萬成功賣出位於馬鞍山翠擁華庭的複式連平台特色戶，實用面積1,105方呎。據知他2005年以654萬購入，現在售出賺了1,046萬元！對此，東網聯絡上張兆輝，他指剛剛成交：「依家都係一個好價，地產經紀都同我講依家個樓市都穩定咗，遲啲就會跌，所以要留番啲資金等樓市跌咗再入市。」
他還表示向來有買磚頭投資，認為是最穩陣和保值的投資方法：「因為爸爸喺我細細個就同我講『有瓦遮頭』係好重要，所以我好細個已明白呢個道理。同埋香港人買樓嘅問題向來好令人關注，大家都係希望可以『有瓦遮頭』。」又指在訓練班時已留意樓價：「當年買一個豪宅只係需要70幾萬，呢幾十年嚟見樓市不斷升到依家天價，就連元朗嘅單位都要萬幾蚊呎，所以香港嘅地理因素關係，買樓就係最好嘅投資。」
提到結婚22周年，他說：「點都要寫幾句氹佢，估唔到咁快就結咗婚咁多年，自己一向都係浪漫嘅人，平時都會同老婆講情深說話，加上依家啲仔女去咗外國讀書，我哋兩個人相處時間更多，更加要氹吓老婆。」
來源 source: http://hk.on.cc
|
鍾意就快D Share啦！
|
|
|