做藝人，如果有些少知名度、形象正面受歡迎，有時在日常生活中，的確拿到一些着數或方便，不過「幫係人情，唔幫係道理」。今日有聽眾致電森美、小儀和Marco主持的商台節目《早霸王》爆料，指有一位女藝人到其工作的名店購物，因為折扣問題當眾發爛渣，令場面尷尬。
該女聽眾透露，自己於一間名店任職，當日這位女藝人到店時頭戴cap帽、戴了太陽眼鏡，加上她不算是「這一代」人，故進店後，沒有太多人認出她，尤其較年輕的職員更不認識她。女聽眾指：「當日佢同一個女人一齊嚟，買咗一件大約2千幾蚊嘅貨，埋單嗰時，佢講話一向有折扣，於是同事禮貌地叫佢提供電話號碼，搵番佢個account，由於公司規定要核對客人身份，例如核對身份證或信用卡姓名，證明係本人先可以畀折，於是同事問攞呢啲資料，估唔到佢好大反應。」
聽眾形容這位當時無人認得出的女藝人，得悉要核對身份，即刻好大反應說：「要我攞身份證？我唔會囉！我去第二間分店，一見到我已經畀折，我唔會畀你，你叫你經理出嚟」而陪同該女藝人到店的女子再加把口說：「吓，你連佢係邊個都唔知？」聽眾續道：「大家當時畀唔到反應，因為真的冇人認出佢。」
最後，聽眾終於知道這女藝人是誰，但就未有透露「結局」如何，也沒有開名講是那位女藝人，只說對方以前算「紅過吓」，但森美和小儀對這名女藝人身份都相當有興趣，笑言要咪後八卦一下。《蘋果》今日聯絡森美，問他可知道該女藝人是誰？他笑謂：「講畀你知仲得了嘅！」森美又說大家都是局外人，誰是誰非難判斷，也不知道當時情況，再三追問森美該女星是誰？他依然封口：「而家都冇喺香港拍劇喇，年紀唔算好大，但又唔算後生囉！」
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
|
鍾意就快D Share啦！
|
|
|