「我唔知有冇關係，但可以照顧父母係一種褔氣，好多人可能連呢個機會都冇…」康華說。
「美魔女」康華近日以「最老新人」的姿態Rap入樂壇，1994年參選港姐入行的她，其實畢業於香港演藝學院舞蹈學院，舞功深厚，跳唱自然難不到她：「最老新人係我自己改㗎！咁大年紀先第一首歌，呢個事實嚟嘅！」MV當中，康華依舊風情萬種，對於外表常常惹人誤會，康華亦無可奈何：「有一段時間，我好怕去認識人哋嘅男朋友或者老公，我唔係好敢打招呼，連基本嘅禮貌都好似冇埋，好驚朋友誤會或者擔心，有啲朋友就算男友喺側邊都唔會介紹，我明嘅，外表係天生嘅，我真係冇辦法，但大家可以放心，我對有伴侶嘅男人，完全冇興趣！」
雖然經常演盡小三、奸妃和情婦，但現實中的她卻零緋聞，單身十年，全因貼身照顧患有心臟病的父母：「我唔知有冇關係，但我覺得可以照顧父母係一種褔氣，我年紀都唔細何況佢哋，我細個時佢哋照顧我，而家照顧番父母係好應份，好多人可能連呢個機會都冇！將來嘅婚姻生活，我都希望好似我爹哋同媽咪咁，雖然唔多講嘢，但係就鍾意留喺屋企，靜靜的生活，互相照應。」想更了解這位外表嫵媚，內裏硬淨的「美魔女」，立刻收睇【娛場】
來源 source: http://hk.on.cc
|
鍾意就快D Share啦！
|
|
|