【新增內容】
現年63歲的周潤發日前拍攝電影《驕陽歲月》時，在片場發生意外，劇情交代他被黃德斌追債，繼而被襲擊，發哥被誤傷左額側，頓時血流披面，最後發哥的傷口要縫五針。
發嫂今日回應《蘋果》，被問當時有沒有嚇倒？她說：「梗係嚇親啦，因為發哥真係流咗好多血，但當時我同佢都要裝冷靜，唔想大家太擔心，特別係同佢做對手嘅黃德斌，我都要安慰佢，話畀佢聽發哥冇大礙！當時我都唔敢陪發哥去醫院，都係由監製黃斌陪佢去，見佢縫針回來冇乜嘢，我先定啲！」
監製黃斌受訪時，稱該場戲講述德斌要拿着一支霧劑的噴髮膠把玩，左手交右手，怎料不小心跌在發哥的左額，德斌相當內疚，食飯時演員及工作人員很安靜，德斌不發一言，而留在片場的發嫂，即上前安慰，德斌心情才稍微平靜一下。
當日拍攝時，發哥被黃德斌追債，卻不幸發生意外，發哥雖然被傷頭，但他十分專業，並沒叫停機，繼續假戲真做，直至完成這場戲，現場工作人員見狀，紛紛大讚他：「真心佩服發哥的專業態度！」
發哥當時完成戲份，他鎮定的用手撳着頭頂，自行步出場景外坐下休息，大家此時才驚覺他左邊額側，有兩條血路緩緩滲出，現場氣氛變得緊張，各人即上前了解發哥的傷勢，並替他止血，身經百戰的發哥反而叫大家冷靜，不用擔心他並請工作人員拿來清水沖洗傷口，其間，正在片廠外準備午飯的發嫂接到通知，她趕過來查看：「點解搞成咁？」發哥反過來安慰她，指自己傷勢並不嚴重，還叫人撥開頭髮，讓發嫂細看傷口情況。
由於傷口不細，導演潘耀明、監製黃斌及動作指導李忠志等人力勸下，發哥才聽大家的意見去醫院接受治療，發哥去醫院前還安慰大家：「定啲、唔好驚！」發哥又跟導演潘耀明說：「你先拍呢邊，我縫兩針返嚟繼續。淡淡定，有錢剩！」發哥仍會講笑，以緩和氣氛。發哥到醫院經檢查後，醫生考慮到傷口有足足1吋幾長，片場會有細菌，傷口容易感染，必須縫針。
發哥聽到要縫針，他說：「我仲要返現場繼續拍攝，又要連戲，唔好剃頭髮可唔可以？」醫生和護士都配合，只剪走了傷口附近很少範圍的頭髮。頭破血流的發哥最終縫了五針，發哥在醫院逗留了約兩小時後，再重返片場開工，吃了「late lunch」又再拍攝。而發哥受傷後每天都要到醫院消毒兼清洗傷口，直至拆線為止。
3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb
《Captain Marvel》完全導讀本
足料78頁 深度解構最強英雄！
https://bit.ly/2VyXIt2
第二屆最港電影大獎投票網址
https://bit.ly/thekongestfilmawards2018
|
鍾意就快D Share啦！
|
|
|
